Hoppa beint í efnið

Hoppa í undirvalmynd

Vottar Jehóva

íslenska

Myndir frá Warwick – 6. hluti (mars til ágúst 2016)

Myndir frá Warwick – 6. hluti (mars til ágúst 2016)

Í þessu myndasafni má sjá hvernig framkvæmdum miðaði áfram við nýju aðalstöðvar Votta Jehóva og hvernig sjálfboðaliðar studdu við verkið frá mars til ágúst 2016.

Ljósmynd af fullkláruðum byggingunum í Warwick. Réttsælis frá vinstri:

  1. Bifvélaverkstæði

  2. Bílastæði fyrir gesti

  3. Verkstæði og bílastæði íbúa

  4. Íbúðarhúsnæði B

  5. Íbúðarhúsnæði D

  6. Íbúðarhúsnæði C

  7. Íbúðarhúsnæði A

  8. Skrifstofu- og þjónustubyggingin

16. mars 2016 – byggingarsvæðið í Warwick

Garðyrkjumenn að taka á móti eikartrjám og hlyn. Meira en 1.400 tré hafa verið gróðursett á byggingarsvæðinu í Warwick.

23. mars 2016 – bifvélaverkstæði

Starfsfólkið í Warwick heldur minningarhátíð um dauða Krists. Alls voru þarna 384 viðstaddir minningarhátíðina, sem vottar Jehóva halda árlega um heim allan.

15. apríl 2016 – byggingarsvæðið í Warwick

Trésmiðir að setja glugga í hliðvarðarskýlið. Hliðverðir munu taka á móti gestum, annast öryggisgæslu við byggingarnar og stjórna umferðinni inn og út af svæðinu.

19. apríl 2016 – skrifstofu- og þjónustubyggingin

Feðgar leggja teppaflísar á gang á annarri hæð. Teppaflísar voru almennt notaðar á álagsfleti því að það er auðveldara að endurnýja skemmdar flísar heldur en stór teppi.

27. apríl 2016 – skrifstofu- og þjónustubyggingin

Smiðir setja upp færanleg skrifstofuskilrúm. Þessum skilrúmum má endurraða eftir þörfum á hverri skrifstofu.

10. maí 2016 – skrifstofu- og þjónustubyggingin

Starfsmaður undirbýr aðalgestasalernið svo að hægt sé að setja upp salerni og skilrúm. Gestasalernið er beint á móti anddyrinu.

26. maí 2016 – byggingarsvæðið í Warwick

Öryggisvarnateymi æfir sig að slökkva eld á brunaæfingu. Með því að vera vel undirbúnir að ráða hratt við slík atvik gæta þessir slökkviliðsmenn öryggis starfsfólksins og bygginganna í Warwick, auk þess létta þeir undir með slökkviliði og hjálparsveitum í bæjarfélaginu.

30. maí 2016 – skrifstofu- og þjónustubyggingin

Þjónn býður verkamönnum til sætis í aðalmatsalnum rétt áður en dagstextaumræðan hefst. Þetta er í fyrsta sinn sem útsendingunni er streymt í matsalinn.

31. maí 2016 – Verkstæði og bílastæði íbúa

Smiður notar sjálfstillandi leysi til að setja upp meira en 2.500 skilti sem vísa íbúum og gestum til vegar.

1. júní 2016 – skrifstofu- og þjónustubyggingin

Logsuðumaður setur upp handrið við aðalstigann sem liggur frá anddyrinu upp að fyrirlestrasalnum. Eldvarnateppið neðst á myndinni ver svæðið umhverfis fyrir skemmdum.

9. júní 2016 – skrifstofu- og þjónustubyggingin

Starfsmaður í veggja- og loftdeildinni lýkur við að pússa gipsvegginn að sýningunni „Trú í verki“, einni af þremur sýningum án leiðsögumanns fyrir gesti.

16. júní 2016 – Bifvélaverkstæði

Starfsmenn undirbúa steinsteypt gólf fyrir flot. Flotið lokarsteypunni, gerir hana endingarbetri, ver hana fyrir ryki og dekkjaförum og auðveldar allt viðhald.

29. júní 2016 – skrifstofu- og þjónustubyggingin

Smiðir setja plexígler í þakskegg yfir innganginn að anddyrinu. Gegnsæju plöturnar varpa ljósinu inn í aðalinnganginn.

29. júní 2016 – skrifstofu- og þjónustubyggingin

Hjón leggja granítflísar við innganginn að sýningunni „Biblían og nafn Guðs“.

6. júlí 2016 – skrifstofu- og þjónustubyggingin

Smiður festir eitt af 1.018 sætum í aðalfyrirlestrarsalnum. Í þessum sal verður Varðturnsnámið haldið og önnur andleg dagskrá Betelfjölskyldunnar.

9. júlí 2016 – skrifstofu- og þjónustubyggingin

Í aðalanddyrinu vinna smiðir, rafvirkjar og fleiri starfsmenn við að setja upp ljósaskilti sem býður gesti velkomna.

13. júlí 2016 – skrifstofu- og þjónustubyggingin

Tvær systur færa starfsfólkinu vatn í aðalanddyrinu. Starfsfólk var stöðuglega minnt á að drekka nóg af vökva, einkum þegar heitt var í veðri.

19. júlí 2016 – skrifstofu- og þjónustubyggingin

Smiður setur upp sýningakassa undir sjaldgæfar biblíur fyrir sýninguna „Biblían og nafn Guðs“. Af og til breytist hluti sýningarinnar til að sýna fleiri sjaldgæfar biblíur og biblíutengda muni.

22. júlí 2016 – skrifstofu- og þjónustubyggingin

Smiður notar vinnuteikningar sem varpað er á vegginn til að festa eftirlíkingu af Ástralíu og eyjunum í Suðaustur-Asíu á landakortið í aðalanddyrinu. Nafnið Vottar Jehóva kemur fyrir á næstum 700 tungumálum á veggnum.

23. júlí 2016 – skrifstofu- og þjónustubyggingin

Betelfjölskyldan á kynningarnámskeiði. Námskeiðin voru skipulögð með það fyrir augum að bjóða tilvonandi Betelíta í Warwick velkomna og vara þá við hugsanlegum slysagildrum sem gætu enn verið til staðar.

17. ágúst 2016 – Sjónvarp Votta Jehóva

Ljósahringir hengdir upp fyrir ofan borðið í myndverinu. Flestir hlutar myndversins voru fluttir frá myndverinu í Brooklyn.

24. ágúst 2016 – byggingarsvæðið í Warwick

Rafvirki setur upp skilti með LED-lýsingu við aðalinnganginn. Frá og með 1. september verða margar deildir aðalstöðvanna teknar til starfa í Warwick.

Meira

HVERJIR GERA VILJA JEHÓVA?

Hvað er Betel?

Betel er sérstakur staður þar sem unnið er að framgangi boðunarstarfsins. Kynnstu fólkinu sem vinnur þar.