Stillingar skjálesara

Veldu tungumál

Hoppa í undirvalmynd

Hoppa beint í efnið

Vottar Jehóva

íslenska

VEFSETRIÐ JW.ORG

Að vafra um JW.ORG á snjallsíma eða spjaldtölvu

Að vafra um JW.ORG á snjallsíma eða spjaldtölvu

Með snjallsíma eða spjaldtölvu geturðu gert allt það sama á síðunni og með stærri tölvu. Valmyndin og það hvernig hlutum er raðað á skjáinn er þó eilítið öðruvísi þegar um lítil tæki er að ræða. Leiðbeiningarnar í þessari grein geta hjálpa þér að finna það sem þú leitar að á jw.org.

 Notaðu farsímavalmyndina

Fyrir skjá í fullri stærð er alltaf slá efst á síðunni sem vísar inn á mismunandi hluta vefsetursins. Annars stigs valmyndin birtist svo lóðrétt vinstra megin á skjánum.

Á snjalltækjum með litlum skjá er öll valmyndin hins vegar lóðrétt. Hana er hægt að kalla fram þegar á þarf að halda, en annars er hún falin til þess að skjárinn nýtist sem best fyrir efnið á síðunni.

  • Smelltu á valmyndarhnappinn til þess að fela eða sýna valmyndina. Smelltu á heiti síðuhluta til þess að fara á lendingarsíðu viðkomandi hluta.

  • Smelltu á hnappinn Sýna lista til þess að birta annars stigs valmynd fyrir viðkomandi hluta. Ef þú smellir á einn af valmöguleikunum, sem birtast, ferðu á viðkomandi lendingarsíðu.

  • Smelltu á hnappinn Fela lista til þess að fela annars stigs valmyndina fyrir ákveðinn hluta.

  • Smelltu á JW.ORG-hnappinn til þess að fara aftur á forsíðuna.

  • Smelltu á tungumálahnappinn til að fá upp lista af fáanlegum tungumálum.

  • Smelltu á leitarhnappinn til þess að finna efni (þetta er ekki hægt á íslensku enn sem komið er).

 Flettu í gegnum greinar eða kafla í riti

Á stærri skjáum er efnisyfirlitið alltaf sýnilegt þegar þú lest grein eða kafla í riti. En á snjalltækjum með litlum skjá er efnisyfirlitið falið.

  • Smelltu á hnappinn Sýna lista til þess að skoða efnisyfirlitið. Veldu titil til þess að birta grein eða kafla.

  • Smelltu á Til baka-hnappinn til þess að skoða fyrri grein eða kafla.

  • Smelltu á Áfram-hnappinn til þess að skoða næstu grein eða kafla.

  • Smelltu á hnappinn Fela lista til þess að fela efnisyfirlitið og halda áfram að lesa greinina eða kaflann.

 Flettu í Biblíunni á Netinu

Farðu inn á ÚTGÁFA > BIBLÍAN. Veldu svo tungumál, smelltu á Leita og loks Lesa á vefnum.

Á biblíubókastikunni eru fellilistar sem gera þér kleift að velja biblíubók og kafla. Þegar þú ert búinn að velja smellirðu á Áfram.

Þegar þú skrunar niður í gegnum kaflann helst biblíubókastikan límd við valmyndarstikuna. Þetta auðveldar þér að flakka á milli kafla.

  • Smelltu á Losa-hnappinn ef þú vilt ekki að biblíubókastikan sé alltaf sýnileg. Þannig færðu meira pláss fyrir biblíutextann á skjánum. Ef þú vilt svo skoða annan kafla þarftu að skruna efst eða neðst á síðuna.

  • Smelltu á Festa-hnappinn til þess að festa biblíubókastikuna við valmyndarstikuna.

  • Smelltu á hnappinn Sýna lista til þess að sýna efnisyfirlit fyrir Biblíuna auk formála og viðauka.

  • Smelltu á Til baka-hnappinn til þess að birta kaflann á undan.

  • Smelltu á Áfram-hnappinn til þess að birta næsta kafla.

  • Smelltu á hnappinn Fela lista til þess að fela efnisyfirlitið.

 Hlustaðu á upplestur af grein

Hljóðstika birtist ef greinin, sem þú ert að lesa, er til í hljóðútgáfu.

  • Smelltu á Spila til þess að spila hljóðskrána.

  • Smelltu á Pásu til þess að stöðva spilunina um sinn. Smelltu aftur á Spila til þess að halda áfram að hlusta.

  • Dragðu sleðann afturábak eða áfram til þess að velja annan stað í hljóðskránni.

Ef þú spilar hljóðskrána og skrunar svo neðar í greinina, helst hljóðstikan límd við valmyndarstikuna. Þetta gerir þér kleift að stöðva eða spila upplesturinn án þess að þú týnir því hvert þú varst kominn í greininni.