Stillingar skjálesara

Veldu tungumál

Hoppa í undirvalmynd

Hoppa beint í efnið

Vottar Jehóva

íslenska

JW BROADCASTING

Horfðu á efni sem streymt er á TV.JW.ORG

Horfðu á efni sem streymt er á TV.JW.ORG

Hlutinn sem nefnist Streaming á tv.jw.org má líkja við sjónvarp, því þar er að finna margar rásir með mismunandi dagskrárefni. Veldu rás til að horfa á það sem er verið að streyma hverju sinni. Ef þú vilt heldur stýra spiluninni sjálfur (það er að segja horfa á myndbönd frá byrjun og hafa tök á að setja á pásu, spóla til baka eða spóla áfram) getur þú farið inn á hlutann Video on Demand.

Fylgdu þessum leiðbeiningum til að horfa á streymi:

 Horfa á streymi á tölvu

Smelltu á hnappinn merktan Streaming. Sjálfvalin rás opnast og myndband, sem er á dagskrá, byrjar að spila.

  • Til að sjá myndbandið í fullri skjástærð skaltu færa músarbendilinn yfir myndbandið og smella á Full-Screen-merkið.

  • Til að yfirgefa fulla skjástærð skaltu ýta á Escape-hnappinn á lyklaborðinu eða færa músarbendilinn yfir myndbandið og smella á Regular-Size-merkið.

  • Til að breyta upplausninni á myndbandinu skaltu færa músarbendilinn yfir myndbandið og velja svo Video-Settings-merkið. Smelltu svo á þá upplausn sem þú vilt velja. (Athugið: Þennan valmöguleika er ekki að finna í öllum netvöfrum.)

    Athugið: Því hærri sem talan er þeim mun betri eru gæðin á myndinni og því þarf hraðari nettengingu eftir því sem gæðin aukast. Veldu þá upplausn sem hentar best fyrir þinn nettengihraða og skjástærð. (Sjá Að breyta stillingum fyrir tölvuna, spjaldtölvuna eða snjallsímann til að fá frekari upplýsingar.)

  • Til að hækka og lækka í hljóðinu skaltu færa músarbendilinn yfir myndbandið og svo yfir Volume-merkið. Renndu slánni upp til að hækka, eða niður til að lækka.

Smelltu á Play From Beginning til að yfirgefa streymið og horfa á myndbandið á Video on Demand-hlutanum.

Ráð: Veldu User Settings til að stilla hvaða streymirás hefur forgang þegar þú fyrst smellir á Streaming-hnappinn.

Ef þú horfir á streymirás í langan tíma án þess að skipta um rás skjóta upp kollinum skilaboð og spyrja hvort þú sért enn að horfa. Ástæðan fyrir þessum skilaboðum er sú að það kostar peninga að streyma myndböndunum. Því viljum við ekki halda útsendingunni áfram ef enginn er að horfa. Ef þú ert enn að horfa skaltu smella á OK til að fara aftur á streymirásina.

 Horfa á streymi á snjalltæki

Athugið: Það er smávægilegur munur á því hvernig snjalltæki hegða sér vegna þess að skjástærðir eru mismunandi og það eru stýrikerfin líka. Minnst er á þennan mun að hluta til hér að neðan.

Á stærri snjalltækjum eins og spjaldtölvum skaltu smella á Streaming-hnappinn. Sjálfvalin rás hefst.

Á smærri snjalltækjum eins og snjallsímum skaltu smella á Menu-hnappinn. Smelltu á Streaming til að hlaða sjálfvöldu rásina eða ýttu á örina til hægri við Streaming og veldu þá rás sem þú vilt horfa á.

Smelltu á Play-hnappinn til að spila myndbandið.

  • Til að spila myndbandið í fullri skjástærð skaltu tvísmella á myndbandið eða smella einu sinni á myndbandið og velja svo Full Screen-merkið.

    Athugið: Það getur verið að stjórntakkar á myndbandinu (pause, play, fast forward, rewind) sjáist í fullri skjástærð en þeir virka ekki.

  • iOS: Til að yfirgefa fulla skjástærð skaltu smella á myndbandið og velja svo Regular Screen-merkið eða Done-hnappinn.

    Android: Til að yfirgefa fulla skjástærð skaltu smella á myndbandið og ýta svo á Android Back-hnappinn.

    Windows Mobile: Til að yfirgefa fulla skjástærð skaltu ýta á Back-hnappinn á tækinu þínu.

  • Til að breyta upplausninni skaltu smella á myndbandið og svo á Video Settings-merkið. Veldu þá upplausn sem þú vilt. (Athugið: Þessi valmöguleiki er ekki til staðar á öllum snjalltækjum.)

    Athugið: Því hærri sem talan er þeim mun betri eru gæðin á myndinni og því þarf hraðari nettengingu eftir því sem gæðin aukast. Veldu þá upplausn sem hentar best fyrir þinn nettengihraða og skjástærð. (Sjá Að breyta stillingum fyrir tölvuna, spjaldtölvuna eða snjallsímann til að fá frekari upplýsingar.)

Til að sjá hvað er næst á dagskrá skaltu smella á Channel Guide-hnappinn. Á smærri snjalltækjum skaltu skruna niður.

Smelltu á Play from the Beginning til að yfirgefa streymirásina og horfa á myndbandið á Video on Demand-hlutanum.

Ráð: Veldu Settings til að stilla hvaða streymirás hefur forgang þegar þú fyrst smellir á Streaming-hnappinn.

 Velja aðra rás á tölvu eða spjaldtölvu

Þegar myndband streymir í venjulegum ham (ekki í fullri skjástærð) getur þú séð lista yfir rásir fyrir neðan myndbandið. Smelltu á nafn rásar til að skipta yfir á þá rás.

Á tölvu eða spjaldtölvu eru rásirnar sýnilegar neðst á skjánum. Rásin sem er í spilun er merkt með blárri línu fyrir ofan nafn rásarinnar.

Smelltu á vinstri ör eða hægri ör til að sjá fleiri rásir. Smelltu á nafn rásar til að skipta yfir á þá rás.

Á tölvum byrjar myndbandið á rásinni að spila sjálfkrafa. Á iOS- og Android-tækjum þarftu að smella á Play-hnappinn til að spila myndbandið.

 Velja aðra rás á snjallsíma

Þegar myndband streymir í venjulegum ham (ekki í fullri skjástærð) getur þú séð lista yfir rásir fyrir neðan myndbandið. Smelltu á nafn rásar til að skipta yfir á þá rás.

Í lóðréttum ham á smærri tækjum eins og snjallsímum eru streymirásirnar sýndar í lista fyrir neðan myndbandið. Rásin sem er í spilun er merkt með blárri línu fyrir ofan nafn rásarinnar. Smelltu á örina sem beinir niður hægra megin við nafn rásarinnar til að sjá hvað er í spilun á rásinni. Skrunaðu niður listann til að sjá hvaða þættir eru á dagskrá, hversu langir þeir eru og hvenær þeir hefjast.

Smelltu á örina sem beinir upp til að loka dagskránni fyrir tiltekna rás.

Smelltu á nafn rásar og svo á Play-hnappinn til að spila myndbandið á þeirri rás.

 Skoðaðu dagskrána

Á tölvu eða spjaldtölvu er hægt að sjá dagskrána í venjulegum ham (ekki í fullri skjástærð). Ef þú ert að nota smærri snjalltæki eins og snjallsíma skaltu skoða kaflann Velja aðra rás á snjallsíma.

Smelltu á Channel Guide-hnappinn til að fá lista yfir allar rásirnar og dagskrá fyrir hverja rás.

Einn dálkur er fyrir hverja rás. Það myndband, sem er í spilun, er sýnt efst í dálkinum. Þar fyrir neðan má sjá næstu dagskrárliði, hversu langir þeir eru og hvenær þeir hefjast.

Smelltu á hægri eða vinstri örvarnar til að renna í gegnum listann yfir rásirnar. Smelltu á rás til að fara út úr dagskránni og yfir á sjónvarpsrásina sem þú valdir.

Athugið: Tíminn á dagskránni er reiknaður út eftir þínu tímabelti (það er að segja því tímabelti sem tölvan þín eða tæki er stillt á). Þetta þýðir að ekki allir áhorfendur sömu rásar horfi á sama myndband á sama tíma. Ef þú ert til dæmis að horfa á myndband klukkan 19:00 þá er einhver á tímabeltinu austan við þig búinn að sjá það myndband þegar klukkan var 19:00 hjá honum. Sá sem er á tímabelti fyrir vestan þig horfir á myndbandið klukkutíma seinna, eða þegar klukkan er orðin 19:00 hjá honum.

Smelltu aftur á Channel Guide-hnappinn til að loka dagskrárglugganum og halda áfram að horfa á myndbandið.