Hoppa beint í efnið

Hoppa í undirvalmynd

Vottar Jehóva

íslenska

Nöfn hverra eru skráð í „bók lífsins“?

Nöfn hverra eru skráð í „bók lífsins“?

Svar Biblíunnar

„Bók lífsins“ er líka nefnd „lífsins bók“ eða „bók til að minna á alla sem óttast Drottin og virða nafn hans“. Þessi bók hefur að geyma nöfn fólks sem fær eilíft líf að gjöf. (Opinberunarbókin 3:5; 20:12; Malakí 3:16) Guð ákveður hverjir fá nöfn sín skrifuð í þessa bók, á grundvelli hlýðni og tryggðar við hann. – Jóhannes 3:16; 1. Jóhannesarbréf 5:3.

Guð man eftir öllum trúföstum þjónum sínum rétt eins og hann hafi skráð nöfn þeirra í bók allt „frá grundvöllun veraldar“. (Opinberunarbókin 17:8) Abel var Guði trúr og er greinilega fyrsti maðurinn sem fékk nafn sitt skrifað í lífsins bók. (Hebreabréfið 11:4) Þetta er ekki bara ópersónulegur nafnalisti, því að bók lífsins sýnir að Jehóva er kærleiksríkur Guð sem „þekkir sína“. – 2. Tímóteusarbréf 2:19; 1. Jóhannesarbréf 4:8.

Geta nöfn verið afmáð úr bók lífsins?

Já. Guð sagði um fólk sem hlýddi honum ekki í Ísrael til forna: „Úr bók minni mái ég hvern þann sem hefur syndgað gegn mér.“ (2. Mósebók 32:33) Ef við reynumst trú fær nafn okkar að standa í „lífsins bók“. – Opinberunarbókin 20:12.