Stillingar skjálesara

Veldu tungumál

Hoppa í undirvalmynd

Hoppa beint í efnið

Vottar Jehóva

íslenska

Hvað merkir orðið himinn í Biblíunni?

Hvað merkir orðið himinn í Biblíunni?

Svar Biblíunnar

Orðið „himinn“ eða „himnar“ hefur þrjár grunnmerkingar í Biblíunni: (1) Bókstaflegir himnar; (2) andaheimurinn; og (3) tákn um hærri eða æðri stöðu. Samhengið hjálpar manni að skilja hvað það merkir í hverju tilfelli. *

  1. Bókstaflegir himnar. Í þessari merkingu standa „himnar“ fyrir lofthjúp jarðar, þar sem vindar blása, fuglar fljúga, skýin gefa regn og snjó og eldingar leiftra. (Sálmur 78:26; Orðskviðirnir 30:19; Jesaja 55:10; Lúkas 17:24) Orðið getur einnig þýtt víðáttur himingeimsins þar sem ,sólin, tunglið og stjörnurnar‘ eru. – 5. Mósebók 4:19; 1. Mósebók 1:1.

  2. Andaheimurinn. Orðið „himinn“ á einnig við um andaheiminn, tilverusvið sem er æðra og utan efnisheimsins. (1. Konungabók 8:27; Jóhannes 6:38) Jehóva Guð, sem „er andi“, býr á himnum ásamt englum sem eru andaverur og hann skapaði. (Jóhannes 4:24; Matteus 24:36) Stundum eru „himnarnir“ persónugerðir til að tákna trúfasta engla, ,söfnuð heilagra‘.– Sálmur 89:6-8.

    Í Biblíunni er orðið „himinn“ einnig notað um ákveðinn hluta andaheimsins, það er „bústað“ Jehóva. (1. Konungabók 8:43, 49; Hebreabréfið 9:24; Opinberunarbókin 13:6) Því var spáð í Biblíunni að Satan og djöflum hans yrði kastað af himnum og fengju ekki lengur að koma fram fyrir Jehóva. En þeir yrðu samt sem áður áfram í andaheiminum. – Opinberunarbókin 12:7-9, 12.

  3. Tákn um hærri eða æðri stöðu. Í Biblíunni er orðið „himinn“ notað til að gefa til kynna æðri stöðu, venjulega í sambandi við ríkjandi stjórn. Slík staða getur átt við:

    • Jehóva Guð sjálfan sem alvald alheims. – 2. Kroníkubók 32:20; Lúkas 15:21.

    • Guðsríki, stjórnina sem á eftir að taka við af stjórnum manna. Í Biblíunni er talað um þetta ríki sem „nýjan himin“. – Jesaja 65:17; 66:22; 2. Pétursbréf 3:13. *

    • Sannkristna menn hér á jörð sem eiga þá von að fara til himna. – Efesusbréfið 2:6.

    • Stjórnir manna sem upphefja sig yfir þegna sína. – Jesaja 14:12-14; Daníel 4:17-19; 2. Pétursbréf 3:7.

    • Vondar andaverur sem ríkja núna yfir heiminum. – Efesusbréfið 6:12; 1. Jóhannesarbréf 5:19.

Hvernig er á himni?

Andaheimurinn iðar af lífi. Þar eru hundruð milljóna andavera sem ,framkvæma boð‘ Jehóva. – Sálmur 103:20, 21; Daníel 7:10.

Í Biblíunni er himninum lýst sem skínandi björtum. (1. Tímóteusarbréf 6:15, 16) Spámaðurinn Esekíel fékk himneska sýn sem var sveipuð ,skærum bjarma‘ en Daníel sá í sýn ,eld streyma‘ á himni.

(Esekíel 1:26-28; Daníel 7:9, 10) Himininn er heilagur, það er að segja hreinn og fagur. – Sálmur 96:6; Jesaja 63:15; Opinberunarbókin 4:2, 3.

Þegar maður les Biblíuna vekur það lotningu hvað himininn er stórbrotinn. (Esekíel 43:2, 3) Það er samt sem áður ógerlegt fyrir menn að skilja til fullnustu hvernig himininn er þar sem skilningarvit okkar eru of takmörkuð til að skilja andaheiminn.

^ gr. 3 Hebreska orðið sem er þýtt „himinn“ er myndað af stofni sem merkir „hár“ eða „háleitur“. (Orðskviðirnir 25:3) Sjá The New Brown, Driver, and Briggs Hebrew and English Lexicon of the Old Testament, bls. 1029.

^ gr. 9 Í biblíuorðabókinni Cyclopedia eftir McClintock og Strong segir að ,nýi himininn‘ í Jesajabók 65:17 merki „nýja stjórn, nýtt ríki“. – 4. bindi, bls. 122.

Meira

Hvað er helja eða helvíti? Er það staður eilífra þjáninga?

Þjást illir í brennandi víti? Eru það laun syndarinnar? Lestu hvernig Biblían svarar þessum spurningum.