1. Við hjartað skulum vernda vel

og varast hverja synd.

Því Guð, sem hjartað horfir á,

sér hulda mannsins mynd.

En stundum hjartað svíkur hug,

þá höfnum réttri leið.

Svo láttu hugann lýsa þér

og leiðin verður greið.

2. Við undirbúum hjartað oft

með okkar bænagjörð

og látlaust þökkum, lofum hann,

um lýð sinn stendur vörð.

Það sem Jehóva sýnir skýrt

við sæl því hlýðum fljótt.

Því honum sæmir hollusta

af hjarta dag og nótt.

3. Að verja hjartað hættum gegn

er háleit skylda manns.

Að hafa yndi, hrífast djúpt,

fá hald í orði hans.

Þú, Jehóva, ert tryggum trúr,

við tökum mið af því.

Af hjarta verum vottar Guðs,

hans vinir alla tíð.