Hoppa beint í efnið

Hoppa í efnisyfirlit

 LÍF OKKAR Í KRISTINNI ÞJÓNUSTU

„Heiðra föður þinn og móður“

„Heiðra föður þinn og móður“

Þegar Jesús var hér á jörð lagði hann áherslu á boðorðið: „Heiðra föður þinn og móður.“ (2Mós 20:12; Matt 15:4) Jesús gat hiklaust sagt það því hann var foreldrum sínum hlýðinn sem barn. (Lúk 2:51) Sem fullorðinn maður sá hann til þess að einhver myndi annast móður hans eftir dauða hans. – Jóh 19:26, 27.

Nú á dögum heiðra börn og unglingar foreldra sína með því að hlýða þeim og tala við foreldra sína með virðingu. Reyndar hefur boðorðið um að heiðra foreldra sína engin tímamörk. Við ættum að halda áfram að heiðra foreldra okkar með því að njóta góðs af visku þeirra þótt þau séu orðin gömul. (Okv 23:22) Við heiðrum líka aldraða foreldra með því að annast þá tilfinningalega og fjárhagslega eftir þörfum. (1Tím 5:8) Hvort sem við erum ung eða gömul ættum við að halda góðu sambandi við foreldra okkar því þannig sýnum við þeim virðingu.

HORFÐU Á TÖFLUTEIKNIMYNDINA HVERNIG GET ÉG RÆTT VIÐ FORELDRA MÍNA? SVARAÐU SÍÐAN EFTIRFARANDI SPURNINGUM:

  • Hvers vegna gæti þér fundist erfitt að ræða við foreldra þína?

  • Hvernig geturðu sýnt foreldrum þínum virðingu þegar þú talar við þá?

  • Hvers vegna er það vel þess virði að tala við foreldra sína? (Okv 15:22)

    Þér gæti gengið betur í lífinu ef þú talar við foreldra þína.