Sálmur 40:1–17

  • Lofsöngur til hins óviðjafnanlega Guðs

    • Verk Guðs fleiri en hægt er að telja (5)

    • Guði ekki mest umhugað um fórnir (6)

    • „Ég hef yndi af að gera vilja þinn“ (8)

Til tónlistarstjórans. Söngljóð eftir Davíð. 40  Ég setti alla von mína á* Jehóva,hann beygði sig niður og hlustaði þegar ég hrópaði á hjálp.+   Hann dró mig upp úr ólgandi gryfju,upp úr aur og leðju. Hann lét mig standa á klettiog veitti mér örugga fótfestu.   Síðan lagði hann mér nýjan söng í munn,+lofsöng til Guðs okkar. Margir sjá þetta og fyllast lotninguog setja traust sitt á Jehóva.   Sá er hamingjusamur sem treystir Jehóvaog leitar ekki til uppreisnargjarnra og svikulla* manna.   Þú hefur unnið svo mörg dásemdarverk í okkar þágu,+Jehóva Guð minn,og þú hugsar alltaf til okkar. Enginn jafnast á við þig.+ Ég gæti ekki sagt frá öllum verkum þínum þótt ég reyndiþví að þau eru fleiri en ég get talið.+   Þú vildir ekki* sláturfórn og fórnargjöf+heldur opnaðir þú eyru mín svo að ég gæti heyrt.+ Þú baðst ekki um brennifórnir og syndafórnir.+   Þá sagði ég: „Ég er kominn. Í bókrollunni er skrifað um mig.+   Ég hef yndi af* að gera vilja þinn, Guð minn,+og lög þín eru innst í hjarta mínu.+   Ég flyt fagnaðarboðskapinn um réttlæti þitt í stórum söfnuði,+ég held ekki aftur af vörum mínum+eins og þú veist vel, Jehóva. 10  Réttlæti þínu held ég ekki leyndu í hjarta mínu,ég segi frá trúfesti þinni og björgun,ég fer ekki leynt með tryggan kærleika þinn og sannleika í hinum stóra söfnuði.“+ 11  Taktu ekki miskunn þína frá mér, Jehóva,megi tryggur kærleikur þinn og sannleikur stöðugt vernda mig.+ 12  Hörmungarnar sem umkringja mig eru fleiri en ég get talið.+ Syndir mínar eru svo margar að þær byrgja mér sýn,+þær eru fleiri en hárin á höfði mínuog ég hef misst móðinn. 13  Ég bið þig, Jehóva, bjargaðu mér.+ Jehóva, hjálpaðu mér fljótt.+ 14  Allir sem sækjast eftir lífi mínuverði sér til smánar og skammar. Þeir sem gleðjast yfir ógæfu minniflýi með skömm. 15  Láttu þá sem hæðast að mér og segja: „Gott á þig,“hrylla við eigin niðurlægingu. 16  En þeir sem leita þín+skulu gleðjast og fagna yfir þér.+ Þeir sem elska björgun þína segi ávallt: „Jehóva sé hátt upp hafinn.“+ 17  En ég er hrjáður og fátækur. Hugsaðu til mín, Jehóva,því að þú ert hjálp mín og frelsari.+ Guð minn, bíddu ekki of lengi.+

Neðanmáls

Eða „beið þolinmóður eftir“.
Eða „lyginna“.
Eða „hafðir ekki velþóknun á“.
Eða „þrái“.