Míka 4:1–13
4 Á síðustu dögum*mun fjallið sem hús Jehóva stendur á+verða óbifanlegt og gnæfa yfir hæstu fjallatinda.
Það mun rísa yfir hæðirnarog þjóðir streyma þangað.+
2 Margar þjóðir munu koma og segja:
„Komið, förum upp á fjall Jehóva,til húss Guðs Jakobs.+
Hann mun fræða okkur um vegi sínaog við munum ganga á stígum hans,“því að lög koma* frá Síonog orð Jehóva frá Jerúsalem.
3 Hann mun dæma meðal margra þjóðflokka+og útkljá mál* meðal voldugra þjóða langt í burtu.
Þær munu smíða plógjárn úr sverðum sínumog garðhnífa úr spjótum sínum.+
Engin þjóð mun beita sverði gegn annarri þjóðné læra hernað framar.+
4 Hver og einn mun sitja* undir sínum vínviði og sínu fíkjutré+og enginn mun hræða þá+því að Jehóva hersveitanna hefur talað.
5 Allar aðrar þjóðir ganga hver í nafni síns guðsen við munum ganga í nafni Jehóva Guðs okkar+ um alla eilífð.
6 „Á þeim degi,“ segir Jehóva,„mun ég safna saman þeim sem höltruðuog smala saman hinum dreifðu+ásamt þeim sem ég beitti hörku.
7 Ég læt suma af þeim sem höltruðu lifa af+og geri þá sem eru langt í burtu að voldugri þjóð.+
Jehóva mun ríkja sem konungur þeirra á Síonarfjallihéðan í frá og að eilífu.
8 Og þú, turn hjarðarinnar,hæð Síonardóttur,+hann kemur, hinn upphaflegi* yfirráðaréttur kemur til þín,+ríkið sem tilheyrir dótturinni Jerúsalem.+
9 Hvers vegna hróparðu?
Áttu engan konungeða er ráðgjafi þinn horfinn?
Er það þess vegna sem þú kvelst eins og kona í fæðingu?+
10 Þú skalt engjast um og kveina, dóttir Síonar,eins og kona í fæðinguþví að nú yfirgefur þú borgina og þarft að búa á víðavangi.
Þú ferð alla leið til Babýlonar+og þar verður þér bjargað,+þar kaupir Jehóva þig aftur af óvinum þínum.+
11 Nú munu margar þjóðir safnast gegn þér.
Þær segja: ‚Síon verði vanhelguð,sjáum með eigin augum það sem kemur yfir hana.‘
12 En þær vita ekki hvað Jehóva hefur í huga,þær skilja ekki fyrirætlanir* hans.
Hann ætlar að safna þeim eins og kornknippum á þreskivöll.
13 Stattu upp til að þreskja, dóttir Síonar,+því að ég geri horn þín að járniog klaufir þínar að koparog þú skalt mylja margar þjóðir.+
Þú skalt helga Jehóva rangfenginn gróða þeirraog auðæfi þeirra hinum sanna Drottni allrar jarðarinnar.“+
Neðanmáls
^ Eða „Á lokaskeiði daganna“.
^ Eða „fræðsla kemur; leiðsögn kemur“.
^ Eða „greiða úr málum“.
^ Eða „búa“.
^ Eða „fyrri“.
^ Eða „ráðagerð“.
