Sálmur 90:1–17

  • Guð er eilífur en maðurinn skammlífur

    • Þúsund ár eins og gærdagurinn (4)

    • Maðurinn lifir 70–80 ár (10)

    • „Kenndu okkur að telja daga okkar“ (12)

Bæn Móse, manns hins sanna Guðs. 90  Jehóva, þú hefur verið bústaður* okkar kynslóð eftir kynslóð.   Þú varst til áður en fjöllin fæddustog þú skapaðir* jörðina og frjósamt landið. Frá eilífð til eilífðar ert þú Guð.   Þú lætur dauðlegan manninn verða aftur að mold,þú segir: „Snúið aftur til moldar, þið mannanna börn.“   Þúsund ár eru í þínum augum eins og gærdagurinn þegar hann er liðinn,já, eins og næturvaka.   Þú hrífur mennina burt, þeir verða eins og svefninn,þeir eru eins og grasið sem sprettur að morgni.   Það blómgast og vex að morgnien visnar og fölnar að kvöldi.   Reiði þín tortímir okkurog bræði þín skelfir okkur.   Þú veist af öllum misgerðum okkar,*leyndarmál okkar afhjúpast í ljósi andlits þíns.   Dagar* okkar fjara út vegna reiði þinnarog ár okkar enda eins og andvarp.* 10  Æviskeið okkar er 70 áreða 80 ef við erum sérlega sterk. En þau einkennast af áhyggjum og sorgum,þau líða fljótt og við fljúgum burt. 11  Hver skilur mátt reiði þinnar? Bræði þín er eins sterk og óttinn sem þú verðskuldar. 12  Kenndu okkur að telja daga okkarsvo að við getum öðlast viturt hjarta. 13  Snúðu aftur, Jehóva! Hve lengi varir þetta? Hafðu samúð með þjónum þínum. 14  Viltu seðja okkur að morgni með tryggum kærleika þínumsvo að við getum glaðst og fagnað alla daga okkar. 15  Veittu okkur gleði eins marga daga og þú hefur þjakað okkur,eins mörg ár og við höfum þolað hörmungar. 16  Láttu þjóna þína sjá það sem þú gerirog börn þeirra sjá ljóma þinn. 17  Megi Guð okkar, Jehóva, sýna okkur góðvild. Láttu verk handa okkar takast vel, já, megi verk handa okkar blessast.

Neðanmáls

Eða hugsanl. „athvarf“.
Eða „fæddir með fæðingarhríðum“.
Orðrétt „Þú setur syndir okkar fyrir framan þig“.
Eða „Líf“.
Eða „hvísl“.