Sálmur 88:1–18

  • Bæn um að vera hlíft við dauða

    • „Ég stend á grafarbakkanum“ (3)

    • ‚Ég bið til þín á hverjum morgni‘ (13)

Söngljóð eftir syni Kóra. Til tónlistarstjórans. Í makalat-stíl,* sungið sem víxlsöngur. Maskíl* eftir Heman Esrahíta. 88  Jehóva Guð, frelsari minn,ég hrópa til þín að degiog leita til þín að nóttu.   Láttu bæn mína ná til þín,beygðu þig niður og hlustaðu* þegar ég hrópa á hjálp.   Líf mitt er fullt af hörmungumog ég stend á grafarbakkanum.*   Ég telst nú þegar með þeim sem fara niður í djúp jarðar.* Ég er hjálparvana* maður,   skilinn eftir meðal hinna dánueins og hinir föllnu sem liggja í gröfinni,þeir sem þú minnist ekki lengurog eru orðnir viðskila við umhyggju* þína.   Þú hefur lagt mig í dýpstu gröfina,á myrka staði, í mikið undirdjúp.   Bræði þín hvílir þungt á mérog brimöldur þínar ganga yfir mig. (Sela)   Þú hefur hrakið kunningja mína langt frá mér,gert mig að viðurstyggð í augum þeirra. Ég er fastur í gildru og get ekki losað mig.   Augu mín eru úrvinda af kvöl minni. Ég hrópa til þín, Jehóva, allan liðlangan daginn,ég teygi hendurnar til þín. 10  Gerir þú kraftaverk fyrir hina dánu? Geta þeir sem liggja máttvana í dauðanum staðið upp og lofað þig? (Sela) 11  Er tryggur kærleikur þinn boðaður í gröfinni,trúfesti þín þar sem rotnunin ríkir?* 12  Verða undraverk þín kunnug í myrkrinueða réttlæti þitt í landi gleymskunnar? 13  Ég hrópa samt til þín, Jehóva, og bið um hjálp,bæn mín berst til þín á hverjum morgni. 14  Hvers vegna hafnarðu mér, Jehóva? Hvers vegna felurðu andlit þitt fyrir mér? 15  Allt frá æskuárumhef ég verið þjáður og við dauðans dyr. Ég er dofinn af hörmungum sem þú lætur yfir mig ganga. 16  Brennandi reiði þín bugar mig,ógnir þínar gera út af við mig. 17  Þær umlykja mig eins og vatnsflóð allan liðlangan daginn,þær þrengja að mér úr öllum áttum.* 18  Þú hefur hrakið vini mína og félaga langt frá mér,myrkrið er orðið förunautur minn.

Neðanmáls

Sjá orðaskýringar.
Sjá orðaskýringar.
Orðrétt „hneigðu eyra þitt“.
Hebreska orðið fyrir gröf er hér sheol, það er, sameiginleg gröf mannkyns. Sjá orðaskýringar.
Eða „gröfina“.
Eða „máttvana“.
Orðrétt „hönd“.
Eða „í Abaddón“.
Eða hugsanl. „allar í einu“.