Sálmur 71:1–24

  • Trúartraust hinna öldruðu

    • ‚Ég hef treyst Guði frá unga aldri‘ (5)

    • „Þegar þróttur minn þrýtur“ (9)

    • ‚Guð hefur kennt mér frá unga aldri‘ (17)

71  Hjá þér, Jehóva, hef ég leitað athvarfs. Láttu mig aldrei verða mér til skammar.   Frelsaðu mig og hjálpaðu mér því að þú ert réttlátur. Beygðu þig niður og hlustaðu,* bjargaðu mér.   Vertu mér klettavirkisem ég get alltaf flúið í. Sendu einhvern til að bjarga mérþví að þú ert bjarg mitt og vígi.   Guð minn, frelsaðu mig úr höndum vondra manna,úr greipum illskeyttra kúgara,   því að þú ert von mín, alvaldur Drottinn Jehóva,ég hef treyst þér* frá unga aldri.   Ég hef reitt mig á þig frá því að ég fæddist,þú tókst á móti mér úr móðurkviði. Ég lofa þig öllum stundum.   Í augum margra er ég sem unduren þú ert mér öruggt athvarf.   Munnur minn er fullur af lofgerð um þig,allan daginn segi ég frá dýrð þinni.   Útskúfaðu mér ekki í elli minni,yfirgefðu mig ekki þegar þróttur minn þrýtur. 10  Óvinir mínir tala um migog þeir sem sækjast eftir lífi mínu leggja á ráðin gegn mér 11  og segja: „Guð hefur yfirgefið hann. Eltið hann og grípið hann því að enginn bjargar honum.“ 12  Guð, vertu ekki fjarlægur,Guð minn, hjálpaðu mér fljótt. 13  Láttu þá sem standa gegn mérfarast með skömm,þá sem vilja mér illtklæðast niðurlægingu og smán. 14  En ég vil halda áfram að bíðaog lofa þig sem aldrei fyrr. 15  Munnur minn segir frá réttlæti þínu,allan daginn frá björgunarverkum þínumþótt þau séu fleiri en ég get skilið.* 16  Ég vil fara og kunngera máttarverk þín,alvaldur Drottinn Jehóva,segja frá réttlæti þínu, þínu og einskis annars. 17  Guð, þú hefur kennt mér frá unga aldriog enn þann dag í dag boða ég dásamleg verk þín. 18  Yfirgefðu mig ekki, Guð, þegar ég er orðinn gamall og gráhærður. Þá get ég sagt komandi kynslóð frá styrk* þínumog öllum sem enn eru ófæddir frá mætti þínum. 19  Réttlæti þitt, Guð, nær til himins,þú hefur gert stórkostlega hluti,Guð, hver er sem þú? 20  Þú hefur látið mig þola miklar raunir og erfiðleikaen lífgaðu mig nú við,dragðu mig upp úr djúpi jarðar. 21  Láttu mig endurheimta mína fyrri reisn,veittu mér vernd og huggun. 22  Þá mun ég lofa þig með strengjaleik, Guð minn,fyrir trúfesti þína,lofsyngja þig við hörpuleik,*þú Hinn heilagi Ísraels. 23  Varir mínar skulu hrópa af gleði þegar ég syng þér lofþví að þú hefur bjargað lífi mínu.* 24  Tunga mín mun tala um* réttlæti þitt allan daginnþví að þeir sem óska mér ógæfu hljóta skömm og niðurlægingu.

Neðanmáls

Orðrétt „Hneigðu eyra þitt til mín“.
Eða „þú hefur verið traust mitt“.
Eða „talið“.
Orðrétt „armi“.
Eða „leika á hörpu þér til lofs“.
Eða „endurleyst sál mína“.
Eða „Ég mun hugleiða“.