Sálmur 65:1–13

  • Guð annast jörðina

    • „Þú sem heyrir bænir“ (2)

    • „Sá er hamingjusamur sem þú velur“ (4)

    • Ríkuleg góðvild Guðs (11)

Til tónlistarstjórans. Söngljóð eftir Davíð. 65  Guð, lofsöngur bíður þín á Síon,við viljum efna heit okkar við þig.   Þú sem heyrir bænir,til þín kemur alls konar fólk.  Syndir mínar bera mig ofurliðien þú fyrirgefur* afbrot okkar.   Sá er hamingjusamur sem þú velur og lætur nálgast þig,hann fær að búa í forgörðum þínum. Við fáum að seðjast af öllu því góða í húsi þínu,þínu heilaga musteri.*   Þú svarar okkur með stórfenglegum réttlætisverkum,Guð okkar og frelsari. Fólk treystir á þig við endimörk jarðarog á fjarlægum ströndum.   Þú* grundvallaðir fjöllin með krafti þínum,þú* ert klæddur mætti.   Þú* lægir ólgandi höfin,drunurnar í öldunum og óróa þjóðanna.   Íbúar afskekktra svæða fyllast lotningu þegar þeir sjá tákn þín,frá austri til vesturs* færðu fólk til að hrópa af gleði.   Þú annast jörðina,gerir hana frjósama og gjöfula. Lækur Guðs er bakkafullur,þú sérð mönnunum fyrir korniþví að þannig gerðir þú jörðina úr garði. 10  Þú gegnbleytir plógför hennar og jafnar út plægðan akurinn,*þú mýkir hann með regnskúrum og blessar það sem á honum sprettur. 11  Þú kórónar árið með góðvild þinni,spor þín fljóta í gæðum.* 12  Beitilönd óbyggðanna drjúpa af vatniog hæðirnar eru klæddar fögnuði. 13  Hagarnir eru þaktir hjörðumog dalirnir* huldir korni. Allt hrópar af fögnuði og syngur.

Neðanmáls

Orðrétt „breiðir yfir“.
Eða „helgidómi þínum“.
Orðrétt „Hann“.
Orðrétt „hann“.
Orðrétt „Hann“.
Orðrétt „frá sólarupprás til sólseturs“.
Eða „plóggarða hennar“.
Orðrétt „drjúpa af feiti“.
Eða „slétturnar“.