Sálmur 62:1–12

  • Björgunin kemur frá Guði

    • „Ég bíð hljóður eftir Guði“ (1, 5)

    • ‚Úthellið hjörtum ykkar fyrir Guði‘ (8)

    • Mennirnir eru ekkert nema andgustur (9)

    • Treystið ekki á auðinn (10)

Til tónlistarstjórans. Jedútún.* Söngljóð eftir Davíð. 62  Ég bíð hljóður eftir Guði,hann er sá sem bjargar mér.   Hann er klettur minn og hjálp, mitt örugga athvarf.* Ég fell aldrei kylliflatur.   Hversu lengi ætlið þið að ráðast að einum manni og reyna að drepa hann? Þið eruð allir hættulegir eins og hallandi veggur, steinveggur sem er við það að hrynja.*   Þeir leggja á ráðin um að steypa honum úr hárri stöðu hans. Þeir hafa yndi af lygi,þeir blessa með munninum en bölva innra með sér. (Sela)   Ég bíð hljóður eftir Guðiþví að frá honum kemur von mín.   Hann er klettur minn og hjálp, mitt örugga athvarf. Ég hrasa aldrei.   Frá Guði kemur björgun mín og upphefð,Guð er minn trausti klettur og athvarf.   Treystið honum öllum stundum, fólk mitt,úthellið hjörtum ykkar fyrir honum. Guð er okkur athvarf. (Sela)   Mannssynirnir eru ekkert nema andgustur,mannanna börn veita falskt öryggi. Þeir eru vegnir á vogarskálum og reynast léttvægari en andgustur. 10  Treystið ekki á kúgunog bindið ekki vonir ykkar við stolna muni. Þótt auðurinn vaxi má hann ekki gagntaka ykkur. 11  Eitt sinn hefur Guð talað, tvisvar hef ég heyrt hann segja: Styrkurinn á upptök sín hjá Guði. 12  Hjá þér er líka tryggur kærleikur, Jehóva,því að þú launar hverjum og einum eftir verkum hans.

Neðanmáls

Sjá orðaskýringar.
Eða „örugga fjallavígi“.
Eða hugsanl. „Þið veitist allir að honum eins og að hallandi vegg, steinvegg sem er við það að hrynja“.