Sálmur 45:1–17

  • Brúðkaup hins smurða konungs

    • Yndisleg orð af vörum hans (2)

    • „Guð er hásæti þitt um alla eilífð“ (6)

    • Konungurinn þráir fegurð brúðar sinnar (11)

    • Synirnir gerðir að höfðingjum um alla jörð (16)

Til tónlistarstjórans. Við „Liljurnar“. Maskíl* eftir syni Kóra. Ástarsöngur. 45  Hjarta mitt er yfirfullt af fögrum orðum. Ég segi: „Ljóð mitt fjallar um konung.“ Tunga mín veri eins og penni* í hendi færasta afritara.*   Þú ert fegurstur allra manna,yndisleg orð streyma af vörum þínum. Þess vegna blessar Guð þig að eilífu.   Spenntu sverð þitt við mjöðmina, þú hetja,gyrtu þig tign og mikilleik.   Haltu af stað í mikilleik þínum og sigraðu,farðu á hesti þínum og berstu fyrir sannleika, auðmýkt og réttlæti. Hægri hönd þín mun vinna* magnþrungin stórvirki.   Flugbeittar örvar þínar fella þjóðir frammi fyrir þér,hæfa óvini konungs í hjartastað.   Guð er hásæti þitt um alla eilífð,veldissproti ríkis þíns er veldissproti réttlætisins.   Þú elskar réttlæti og hatar ranglæti. Þess vegna hefur Guð, Guð þinn, smurt þig gleðinnar olíu umfram félaga þína.   Öll klæði þín ilma af myrru, alóe og kassíu,þú gleðst yfir strengjaleik úr fílabeinshöllinni.   Konungsdætur eru meðal hirðkvenna þinnaog drottningin stendur þér til hægri handar, prýdd Ófírgulli. 10  Hlustaðu, dóttir, og taktu vel eftir,gleymdu þjóð þinni og ætt föður þíns, 11  þá mun konungurinn þrá fegurð þína. Þú skalt lúta honumþví að hann er herra þinn. 12  Íbúar* Týrusar koma með gjafirog mestu auðmenn sækjast eftir velvild þinni.* 13  Í höllinni* bíður konungsdóttirin geislandi af fegurð,föt hennar skreytt gulli. 14  Hún er leidd til konungs í glitofnum* klæðum,meyjar fylgja henni og eru leiddar fram fyrir hann.* 15  Þær eru leiddar inn með fögnuði og gleðiog ganga inn í konungshöllina. 16  Synir þínir koma í stað forfeðra þinna,þú gerir þá að höfðingjum um alla jörð. 17  Ég vil gera nafn þitt þekkt meðal allra komandi kynslóða. Þess vegna munu þjóðir lofa þig um alla eilífð.

Neðanmáls

Sjá orðaskýringar.
Eða „griffill“.
Eða „fræðimanns“.
Orðrétt „kenna þér“.
Orðrétt „Dóttir“.
Eða „reyna að milda þig“.
Orðrétt „Inni“.
Eða hugsanl. „útsaumuðum“.
Orðrétt „þig“.