Sálmur 41:1–13

  • Bæn í veikindum

    • Guð styður þá sem eru veikir (3)

    • Svikinn af nánum vini (9)

Til tónlistarstjórans. Söngljóð eftir Davíð. 41  Sá sem lætur sér annt um bágstadda er hamingjusamur,Jehóva bjargar honum á degi neyðarinnar.   Jehóva gætir hans og lætur hann halda lífi,um alla jörð fer orð af því hve hamingjusamur hann er. Þú gefur hann aldrei á vald óvina hans.   Jehóva styður hann þegar hann er veikur,þú hlúir að honum þegar hann er rúmfastur.   Ég sagði: „Jehóva, vertu mér góður,læknaðu mig því að ég hef syndgað gegn þér.“   En óvinir mínir óska mér ills: „Hvenær ætlar hann að fara að deyja svo að nafn hans gleymist?“   Ef einhver kemur til að heimsækja mig er hann fullur hræsni. Hann leitar að einhverju til að nota gegn mér,fer síðan og breiðir út lygar um mig.   Allir sem hata mig hvísla sín á milli,þeir vilja mér illt og segja:   „Mikil ógæfa er komin yfir hann,nú liggur hann og stendur ekki upp aftur.“   Jafnvel vinur minn sem ég treystiog borðaði af brauði mínu hefur snúist gegn mér.* 10  En þú, Jehóva, vertu mér góður og hjálpaðu mér á fætursvo að ég geti refsað þeim fyrir það sem þeir hafa gert. 11  Þegar óvinur minn getur ekki hrósað sigri yfir mérveit ég að þú hefur velþóknun á mér. 12  Þú heldur mér uppi af því að ég er trúfasturog leyfir mér að vera í návist þinni að eilífu. 13  Lofaður sé Jehóva Guð Ísraelsum alla eilífð.* Amen og amen.

Neðanmáls

Orðrétt „lyft hæl sínum á móti mér“.
Eða „frá eilífð til eilífðar“.