Sálmur 36:1–12

  • Tryggur kærleikur Guðs er dýrmætur

    • Illvirkinn óttast ekki Guð (1)

    • Guð, uppspretta lífsins (9)

    • „Í þínu ljósi sjáum við ljós“ (9)

Til tónlistarstjórans. Eftir Davíð þjón Jehóva. 36  Syndin talar til illvirkjans innst í hjarta hans,enginn guðsótti býr í honum.   Hann lítur svo stórt á sjálfan sigað hann hvorki sér né hatar synd sína.   Orðin úr munni hans særa og blekkja,hann kann ekki að gera það sem er gott.   Jafnvel í rúmi sínu hefur hann illt í hyggju,hann fetar ranga brautog hafnar ekki hinu illa.   Jehóva, tryggur kærleikur þinn nær til himins,trúfesti þín til skýjanna.   Réttlæti þitt er eins og tignarleg fjöll,*dómar þínir eins og hafdjúpin miklu. Þú, Jehóva, heldur lífinu í* mönnum og dýrum.   Hversu dýrmætur er ekki tryggur kærleikur þinn, Guð! Mennirnir leita skjóls í skugga vængja þinna.   Þeir seðjast af allsnægtum* húss þínsog þú gefur þeim að drekka úr læk dásemda þinna.   Þú ert uppspretta lífsins,í þínu ljósi sjáum við ljós. 10  Sýndu þeim tryggan kærleika sem þekkja þigog láttu hjartahreina njóta réttlætis þíns. 11  Láttu ekki fætur hrokafullra traðka á mérné hendur illra manna hrekja mig burt. 12  Þarna liggja illvirkjarnir fallnir,þeim hefur verið steypt um koll og geta ekki risið upp aftur.

Neðanmáls

Orðrétt „eins og fjöll Guðs“.
Eða „bjargar“.
Orðrétt „feiti“.