Sálmur 27:1–14

  • „Jehóva er vígi lífs míns“

    • Dálæti á musteri Guðs (4)

    • Jehóva annast okkur þótt foreldrar bregðist (10)

    • „Vonaðu á Jehóva“ (14)

Eftir Davíð. 27  Jehóva er ljós mitt og frelsari,hvern ætti ég að óttast? Jehóva er vígi lífs míns,hvern ætti ég að hræðast?   Þegar illvirkjar réðust á mig til að gleypa migvoru það andstæðingar mínir og óvinir sem hrösuðu og féllu.   Þótt herlið setjist um migóttast hjarta mitt ekki,þótt stríð brjótist út gegn mérer ég samt öruggur.   Um eitt hef ég beðið Jehóva,og það þrái ég: að ég fái að búa í húsi Jehóva alla ævidaga mínatil að horfa á yndisleik Jehóvaog dást að* musteri* hans.   Hann felur mig í skjóli sínu á degi neyðarinnarog geymir mig í leynum í tjaldi sínu,lyftir mér upp á háan klett.   Nú ber ég höfuðið hátt gagnvart óvinum mínum sem umkringja mig. Ég vil færa fórnir í tjaldi hans og hrópa af gleði,lofa Jehóva í söng.*   Hlustaðu, Jehóva, þegar ég kalla,vertu mér góður og svaraðu mér.   Í hjarta mínu minnist ég orða þinna: „Leitið auglits míns.“ Ég vil leita auglits þíns, Jehóva.   Hyldu ekki auglit þitt fyrir mér,vísaðu ekki þjóni þínum burt í reiði. Þú ert hjálp mín,farðu ekki frá mér og yfirgefðu mig ekki, Guð minn og frelsari. 10  Jafnvel þótt faðir minn og móðir yfirgæfu migtæki Jehóva mig að sér. 11  Vísaðu mér veg þinn, Jehóva,leiddu mig um stíg réttlætisins vegna óvina minna. 12  Framseldu mig ekki í hendur andstæðinga minnaþví að ljúgvitni hafa risið gegn mérog hótað mér ofbeldi. 13  Hvar væri ég ef ég tryði ekkiað ég fengi að njóta góðvildar Jehóva eins lengi og ég lifi?* 14  Vonaðu á Jehóva,vertu hugrakkur og sterkur.* Já, vonaðu á Jehóva.

Neðanmáls

Eða „velta fyrir mér“.
Eða „helgidómi“.
Eða „með tónlist“.
Eða hugsanl. „Ég trúi því staðfastlega að ég fái að sjá góðvild Jehóva í landi lifenda“.
Eða „sterkur í hjarta“.