Sálmur 139:1–24

  • Guð þekkir þjóna sína vel

    • Enginn felur sig fyrir anda Guðs (7)

    • ‚Ég er frábærlega hannaður‘ (14)

    • ‚Þú sást mig meðan ég var fóstur‘ (16)

    • „Leiddu mig um veg eilífðarinnar“ (24)

Til tónlistarstjórans. Söngljóð eftir Davíð. 139  Jehóva, þú hefur rannsakað mig og þekkir mig.   Þú veist hvenær ég sest og hvenær ég stend upp. Þú skynjar hugsanir mínar álengdar.   Þú sérð* mig þegar ég er á ferð og þegar ég leggst til hvíldar. Þú þekkir alla vegi mína.   Jafnvel áður en orð eru á tungu minniveistu, Jehóva, hvað ég ætla að segja.   Þú umlykur mig í bak og fyrirog heldur hendi þinni yfir mér.   Þú þekkir mig betur* en ég fæ skilið,það er ofvaxið skilningi mínum.   Hvar get ég falið mig fyrir anda þínumog hvert get ég flúið frá augliti þínu?   Ef ég stigi upp til himna værirðu þarog ef ég byggi um mig í gröfinni* værirðu þar.   Þótt ég flygi burt á vængjum morgunroðansog settist að við ysta haf 10  myndi hönd þín líka leiða mig þarog hægri hönd þín styðja mig. 11  Ef ég segði: „Myrkrið hylur mig!“ yrði nóttin í kringum mig björt. 12  Myrkrið yrði ekki of dimmt fyrir þig,nei, nóttin yrði björt eins og dagur. Myrkur og ljós eru eins fyrir þér. 13  Þú myndaðir nýru mín,þú skýldir mér* í kviði móður minnar. 14  Ég lofa þig fyrir að ég er frábærlega hannaður og ég fyllist lotningu. Verk þín eru einstök,það veit ég mætavel. 15  Bein mín voru ekki hulin fyrir þérþegar ég var gerður í leyni,ofinn í djúpum jarðar. 16  Augu þín sáu mig meðan ég enn var fóstur. Í bók þinni var skrifað um alla líkamshluta mínaog dagana sem þeir áttu að myndast,jafnvel áður en nokkur þeirra varð til. 17  Guð, hugsanir þínar eru mér ákaflega dýrmætar,og óhemjumargar eru þær samanlagðar. 18  Ef ég reyni að telja þær eru þær fleiri en sandkornin. Þegar ég vakna er ég enn hjá þér.* 19  Guð, bara að þú myndir útrýma hinum illu! Þá myndu ofbeldismennirnir* hverfa frá mér, 20  þeir sem tala um þig með illt í huga,*andstæðingar þínir sem nota nafn þitt á óviðeigandi hátt. 21  Hata ég ekki þá sem hata þig, Jehóva,og hef andstyggð á þeim sem rísa gegn þér? 22  Ég hata þá fullu hatri,þeir eru orðnir óvinir mínir. 23  Rannsakaðu mig, Guð, og kynnstu hjarta mínu. Skoðaðu mig og lestu kvíðafullar hugsanir mínar. 24  Sjáðu hvort ég er kominn út á ranga brautog leiddu mig um veg eilífðarinnar.

Neðanmáls

Orðrétt „mælir“.
Eða „Sú þekking er stórkostlegri“.
Á hebr. sheol, það er, sameiginleg gröf mannkyns. Sjá orðaskýringar.
Eða hugsanl. „ófst mig“.
Eða hugsanl. „vaknaði væri ég enn að telja þær“.
Eða „blóðsekir menn“.
Eða „eftir eigin höfði“.