Sálmur 119:1–176

  • Þakklæti fyrir dýrmætt orð Guðs

    • ‚Hvernig getur ungt fólk haldið vegi sínum hreinum?‘ (9)

    • „Ég hef yndi af áminningum þínum“ (24)

    • „Orð þitt veitir mér von“ (74, 81, 114)

    • „Ég elska lög þín heitt!“ (97)

    • „Ég er hyggnari en allir kennarar mínir“ (99)

    • „Orð þitt er lampi fóta minna“ (105)

    • „Kjarninn í orði þínu er sannleikur“ (160)

    • Þeir sem elska lög Guðs búa við frið (165)

א [alef] 119  Þeir sem gera rétt* í einu og öllu eru hamingjusamir,þeir sem lifa eftir lögum Jehóva.   Þeir sem fara eftir áminningum hans eru hamingjusamir,þeir sem leita hans af öllu hjarta.   Þeir gera ekkert rangtheldur ganga á vegum hans.   Þú hefur skipað að fyrirmæli þínskuli vandlega haldin.   Ég þrái að vera staðfasturog halda ákvæði þín.   Þá þarf ég ekki að skammast mínþegar ég hugleiði öll boðorð þín.   Ég lofa þig af einlægu hjartaþegar ég kynnist réttlátum dómum þínum.   Ég ætla að halda ákvæði þín. Ég bið þig að yfirgefa mig aldrei. ב [bet]   Hvernig getur ungur maður haldið vegi sínum hreinum? Með því að gæta sín og fylgja orði þínu. 10  Ég leita þín af öllu hjarta. Láttu mig ekki villast frá boðorðum þínum. 11  Ég varðveiti í hjarta mínu það sem þú hefur sagtsvo að ég syndgi ekki gegn þér. 12  Lofaður sért þú, Jehóva,kenndu mér ákvæði þín. 13  Með vörum mínum kunngeri égalla úrskurði þína. 14  Ég gleðst meira yfir áminningum þínumen öllum öðrum verðmætum. 15  Ég ætla að íhuga fyrirmæli þín*og hafa augun á vegum þínum. 16  Ég hef yndi af ákvæðum þínum,ég gleymi ekki orði þínu. ג [gimel] 17  Vertu góður við þjón þinnsvo að ég megi lifa og halda orð þín. 18  Opnaðu augu mín til að ég sjái skýrtallt hið dásamlega í lögum þínum. 19  Ég er bara útlendingur í landinu. Feldu ekki boðorð þín fyrir mér. 20  Alla daga er ég gagntekinn af þráeftir úrskurðum þínum. 21  Þú ávítar hrokafulla,hina bölvuðu sem villast frá boðorðum þínum. 22  Léttu* af mér háðung og fyrirlitninguþví að ég hef farið eftir áminningum þínum. 23  Þótt höfðingjar sitji og tali illa um mighugleiðir þjónn þinn* ákvæði þín. 24  Ég hef yndi af áminningum þínum,þær eru ráðgjafar mínir. ד [dalet] 25  Ég ligg beygður í duftinu. Láttu mig halda lífi eins og þú hefur lofað. 26  Ég hef sagt þér frá lífi mínu og þú svaraðir. Kenndu mér ákvæði þín. 27  Láttu mig skilja fyrirmæli þín*svo að ég geti hugleitt* dásemdarverk þín. 28  Ég hef legið andvaka af sorg. Styrktu mig eins og þú hefur lofað. 29  Haltu mér frá blekkingarvegiog sýndu þá góðvild að kenna mér lög þín. 30  Ég hef valið veg trúfestinnar. Ég veit að dómar þínir eru réttir. 31  Ég held fast við áminningar þínar. Jehóva, láttu mig ekki verða fyrir vonbrigðum.* 32  Ég held boðorð þín af öllu hjarta*því að þú opnar hjarta mitt fyrir þeim.* ה [he] 33  Fræddu mig, Jehóva, um veg ákvæða þinnaog ég skal fylgja honum allt til enda. 34  Veittu mér skilningsvo að ég fylgi lögum þínumog haldi þau af öllu hjarta. 35  Leiddu mig* götu boðorða þinnaþví að eftir henni geng ég glaður. 36  Hneigðu hjarta mitt að áminningum þínumen ekki að eigingjörnum ávinningi.* 37  Snúðu augum mínum frá því sem er einskis virði,varðveittu líf mitt á vegi þínum. 38  Efndu loforð* þitt við þjón þinnsvo að fólk beri lotningu fyrir þér.* 39  Taktu burt smánina sem ég óttastþví að dómar þínir eru góðir. 40  Sjáðu hve heitt ég þrái fyrirmæli þín. Láttu mig lifa því að þú ert réttlátur. ו [vá] 41  Láttu mig upplifa tryggan kærleika þinn, Jehóva,frelsunina sem þú hefur lofað. 42  Þá get ég svarað þeim sem hæðist að mérþví að ég treysti á orð þitt. 43  Taktu aldrei orð sannleikans úr munni mínumþví að ég hef sett von mína á dóm þinn.* 44  Ég held alltaf lög þín,um alla eilífð. 45  Ég geng um á öruggum* staðþví að ég leitast við að fylgja fyrirmælum þínum. 46  Ég tala um áminningar þínar frammi fyrir konungumog skammast mín ekki. 47  Ég hef yndi af boðorðum þínum,já, ég elska þau. 48  Ég lyfti höndum í bæn því að ég elska boðorð þínog ég íhuga ákvæði þín.* ז [zajin] 49  Mundu eftir því sem þú lofaðir* þjóni þínum,því sem veitir mér von.* 50  Það hughreystir mig í raunum mínum,orð þín hafa haldið í mér lífinu. 51  Hinir hrokafullu hæðast að méren ég hvika ekki frá lögum þínum. 52  Ég minnist fornra dóma þinna, Jehóva,og þeir hughreysta mig. 53  Hinir illu vekja með mér brennandi reiði,þeir sem snúa baki við lögum þínum. 54  Ákvæði þín eru mér söngljóðhvar sem ég bý.* 55  Ég hugsa um nafn þitt, Jehóva, um nætursvo að ég haldi lög þín. 56  Þetta hef ég tamið mérþví að ég hef fylgt fyrirmælum þínum. ח [het] 57  Jehóva er hlutskipti mitt,ég hef lofað að halda orð þín. 58  Ég ákalla þig af öllu hjarta,*vertu mér góður eins og þú hefur lofað. 59  Ég hef íhugað lífsstefnu mínaog vil fylgja áminningum þínum að nýju. 60  Ég flýti mér og dreg ekkiað halda boðorð þín. 61  Bönd hinna illu umlykja migen ég gleymi ekki lögum þínum. 62  Um miðnætti fer ég fram úr til að þakka þérfyrir réttláta dóma þína. 63  Ég er vinur allra sem óttast þigog þeirra sem halda fyrirmæli þín. 64  Tryggur kærleikur þinn, Jehóva, fyllir jörðina,kenndu mér ákvæði þín. ט [tet] 65  Þú hefur gert vel við þjón þinn, Jehóva,eins og þú hefur lofað. 66  Veittu mér skynsemi og þekkinguþví að ég hef sett traust mitt á boðorð þín. 67  Áður var ég þjáður, ég villtist af leið*en nú held ég orð þín. 68  Þú ert góður og allt sem þú gerir er gott. Kenndu mér ákvæði þín. 69  Hrokafullir menn sverta mig með lygumen ég held fyrirmæli þín af öllu hjarta. 70  Hjörtu þeirra eru tilfinningalaus*en ég hef yndi af lögum þínum. 71  Það var mér til góðs að þjástþví að þannig gat ég lært ákvæði þín. 72  Lögin sem þú hefur sett eru mér til góðs,betri en ógrynni af gulli og silfri. י [jód] 73  Hendur þínar gerðu mig og mótuðu. Veittu mér skilningtil að ég geti lært boðorð þín. 74  Þeir sem óttast þig sjá mig og gleðjastþví að orð þitt veitir mér von.* 75  Ég veit, Jehóva, að dómar þínir eru réttlátirog að þú hefur agað mig í trúfesti þinni. 76  Viltu láta tryggan kærleika þinn verða mér til huggunareins og þú hefur lofað þjóni þínum. 77  Sýndu mér miskunn svo að ég fái að lifaþví að ég hef yndi af lögum þínum. 78  Láttu hina hrokafullu verða sér til skammarþví að þeir fara illa með mig án tilefnis.* En ég ætla að íhuga fyrirmæli þín.* 79  Láttu þá sem óttast þig snúa aftur til mín,þá sem hafa kynnst áminningum þínum. 80  Láttu mig fylgja ákvæðum þínum af öllu hjartasvo að ég verði mér ekki til skammar. כ [kaf] 81  Ég þrái frelsunina sem þú veitirþví að orð þitt gefur mér von.* 82  Augu mín þrá að sjá orð þín rætast. Ég segi: „Hvenær ætlarðu að hugga mig?“ 83  Ég er eins og skinnbelgur skorpinn í reyken ég gleymi ekki ákvæðum þínum. 84  Hversu marga daga þarf þjónn þinn að bíða? Hvenær ætlar þú að dæma þá sem ofsækja mig? 85  Hrokagikkir grafa mér grafir,þeir sem hunsa lög þín. 86  Öll boðorð þín eru áreiðanleg. Menn ofsækja mig að tilefnislausu. Hjálpaðu mér! 87  Minnstu munaði að þeir afmáðu mig af jörðinnien ég sneri ekki baki við fyrirmælum þínum. 88  Sýndu mér tryggan kærleika og láttu mig halda lífisvo að ég geti farið eftir áminningum þínum. ל [lamed] 89  Orð þitt, Jehóva,varir að eilífu á himnum. 90  Trúfesti þín varir kynslóð eftir kynslóð. Þú hefur grundvallað jörðina svo að hún stendur. 91  Þau* standa fram á þennan dag eins og þú hefur ákveðiðþví að þau eru öll þjónar þínir. 92  Ef ég hefði ekki haft yndi af lögum þínumhefði ég farist í raunum mínum. 93  Ég gleymi aldrei fyrirmælum þínumþví að með þeim hefurðu haldið mér á lífi. 94  Ég tilheyri þér. Bjargaðu mérþví að ég hef leitast við að fylgja fyrirmælum þínum. 95  Illir menn bíða færis að tortíma méren ég hef áminningar þínar alltaf í huga. 96  Ég hef séð takmörk á allri fullkomnunen boðorð þitt á sér engin takmörk.* מ [mem] 97  Ég elska lög þín heitt! Ég hugleiði þau* allan liðlangan daginn. 98  Boðorð þín gera mig vitrari en óvini mínaþví að ég hef þig alltaf hjá mér. 99  Ég er hyggnari en allir kennarar mínirþví að ég hugleiði áminningar þínar.* 100  Ég er skynsamari en öldungarþví að ég fylgi fyrirmælum þínum. 101  Ég ætla ekki að ganga á neinum vegi vonskunnarþví að ég vil fylgja orði þínu. 102  Ég hvika ekki frá úrskurðum þínumþar sem þú hefur frætt mig. 103  Hve sæt eru ekki orð þín tungu minni,sætari en hunang í munni mínum. 104  Ég breyti skynsamlega vegna fyrirmæla þinna. Þess vegna hata ég sérhvern blekkingarveg. נ [nún] 105  Orð þitt er lampi fóta minnaog ljós á götu minni. 106  Ég hef svarið eið og ætla að halda hann,ég ætla að fara eftir réttlátum úrskurðum þínum. 107  Ég hef verið mjög þjáður. Jehóva, láttu mig halda lífi eins og þú hefur lofað. 108  Jehóva, viltu taka við lofgerðarfórnum mínumsem ég færi af fúsu hjarta*og fræða mig um úrskurði þína. 109  Ég er stöðugt í lífshættuen ég hef ekki gleymt lögum þínum. 110  Illmenni hafa lagt gildru fyrir migen ég hef ekki villst frá fyrirmælum þínum. 111  Ég lít á áminningar þínar sem eilífa eign mína*því að þær gleðja hjarta mitt. 112  Ég hef einsett mér* að hlýða ákvæðum þínumöllum stundum eins lengi og ég lifi. ס [samek] 113  Ég hata þá sem eru hálfvolgir*en ég elska lög þín. 114  Þú ert skjól mitt og skjöldurþví að orð þitt veitir mér von.* 115  Haldið ykkur fjarri mér, þið illmenni,svo að ég geti haldið boðorð Guðs míns. 116  Styddu mig eins og þú hefur lofaðsvo að ég haldi lífi. Láttu ekki von mína bregðast.* 117  Styddu mig til að ég bjargist. Þá skal ég alltaf hafa ákvæði þín í huga. 118  Þú hafnar öllum sem villast frá ákvæðum þínumþví að þeir eru falskir og svikulir. 119  Þú fjarlægir öll illmenni jarðar eins og verðlausan sora. Þess vegna elska ég áminningar þínar. 120  Ég skelf af ótta við þig,ég hræðist dóma þína. ע [ajin] 121  Ég hef gert það sem er rétt og réttlátt. Gefðu mig ekki á vald þeim sem kúga mig! 122  Tryggðu þjóni þínum velgengni,láttu ekki hina hrokafullu kúga mig. 123  Augu mín eru þreytt á að bíða eftir hjálp þinniog að réttlátt loforð* þitt rætist. 124  Sýndu þjóni þínum tryggan kærleikaog kenndu mér ákvæði þín. 125  Ég er þjónn þinn, veittu mér skilningsvo að ég geti kynnst áminningum þínum. 126  Tíminn er kominn að Jehóva taki í taumanaþví að þeir hafa brotið lög þín. 127  Þess vegna elska ég boðorð þínmeira en gull, já, fínasta* gull. 128  Þess vegna álít ég öll fyrirmæli þín rétt,ég hata sérhvern blekkingarveg. פ [pe] 129  Áminningar þínar eru yndislegar,þess vegna fylgi ég þeim. 130  Þegar orð þín opinberast veita þau ljós,þau veita hinum óreyndu skilning. 131  Ég opna munninn og andvarpa*því að ég þrái boðorð þín. 132  Snúðu þér til mín og sýndu mér góðvildeins og þú gerir alltaf þegar þú dæmir þá sem elska nafn þitt. 133  Leiddu mig með orði þínusvo að ég verði öruggur í skrefi. Megi ekkert illt ná tökum á mér. 134  Bjargaðu mér* frá kúgurum,þá skal ég fylgja fyrirmælum þínum. 135  Láttu auglit þitt lýsa yfir þjón þinn*og kenndu mér ákvæði þín. 136  Tárin streyma niður kinnar mínarþví að fólk heldur ekki lög þín. צ [tsade] 137  Þú ert réttlátur, Jehóva,og dómar þínir sanngjarnir. 138  Áminningar þínar eru réttlátarog alltaf áreiðanlegar. 139  Ég brenn af ákafa vegna þínþví að andstæðingar mínir hafa gleymt orðum þínum. 140  Það sem þú segir er hreint og tærtog þjónn þinn elskar það. 141  Ég er ómerkilegur og fyrirlitinnen ég hef ekki gleymt fyrirmælum þínum. 142  Réttlæti þitt er eilíft réttlætiog lög þín eru sannleikur. 143  Þótt angist og erfiðleikar komi yfir mighef ég alltaf yndi af boðorðum þínum. 144  Áminningar þínar eru réttlátar að eilífu. Veittu mér skilning svo að ég fái að lifa. ק [qóf] 145  Ég hrópa af öllu hjarta. Svaraðu mér, Jehóva. Ég ætla að halda ákvæði þín. 146  Ég ákalla þig, bjargaðu mér! Ég fer eftir áminningum þínum. 147  Ég er vaknaður fyrir dögun* til að hrópa á hjálpþví að orð þín veita mér von.* 148  Ég vakna um miðja nótttil að geta hugleitt orð þín.* 149  Sýndu mér tryggan kærleika og hlustaðu á mig. Jehóva, láttu mig halda lífi því að þú ert réttlátur. 150  Þeir sem hegða sér skammarlega* nálgast,þeir eru fjarlægir lögum þínum. 151  Þú ert nálægur, Jehóva,og öll boðorð þín eru sannleikur. 152  Endur fyrir löngu lærði égað þú byggðir lög þín* á eilífum grunni. ר [res] 153  Sjáðu raunir mínar og bjargaðu mérþví að ég hef ekki gleymt lögum þínum. 154  Verðu mig* og bjargaðu mér,láttu mig halda lífi eins og þú hefur lofað. 155  Björgunin er fjarri hinum illuþví að þeir hafa ekki áhuga á ákvæðum þínum. 156  Miskunn þín er mikil, Jehóva. Láttu mig halda lífi því að þú ert réttlátur. 157  Andstæðingar mínir og þeir sem ofsækja mig eru margiren ég hef ekki hvikað frá áminningum þínum. 158  Ég horfi með óbeit á hina sviksömuþví að þeir fara ekki eftir orðum þínum. 159  Sjáðu hve heitt ég elska fyrirmæli þín! Jehóva, sýndu mér tryggan kærleika og láttu mig lifa. 160  Kjarninn í orði þínu er sannleikur,allir úrskurðir þínir eru réttlátir og vara að eilífu. ש [sin] eða [shin] 161  Höfðingjar ofsækja mig án tilefnisen hjarta mitt ber lotningu fyrir orðum þínum. 162  Ég gleðst yfir því sem þú segireins og maður sem fær mikið herfang. 163  Ég hata ósannindi, ég hef óbeit á þeim,en ég elska lög þín. 164  Sjö sinnum á dag lofa ég þigfyrir réttláta dóma þína. 165  Þeir sem elska lög þín búa við mikinn frið,ekkert verður þeim að falli. 166  Ég vænti björgunarinnar sem þú veitir, Jehóva,og ég held boðorð þín. 167  Ég fer eftir áminningum þínum,ég elska þær mjög. 168  Ég fylgi fyrirmælum þínum og áminningum,þú sérð allt sem ég geri. ת [tá] 169  Viltu hlusta, Jehóva, þegar ég hrópa á hjálp. Veittu mér skilning í samræmi við orð þitt. 170  Megi innileg bæn mín ná til þín. Bjargaðu mér eins og þú hefur lofað. 171  Lofgerð streymi af vörum mínumþví að þú kennir mér ákvæði þín. 172  Tunga mín syngi um orð þínþví að öll boðorð þín eru réttlát. 173  Megi hönd þín vera tilbúin að hjálpa mérþví að ég kýs að hlýða fyrirmælum þínum. 174  Ég þrái að þú bjargir mér, Jehóva,ég hef yndi af lögum þínum. 175  Láttu mig lifa svo að ég geti lofað þig. Megi dómar þínir hjálpa mér. 176  Ég hef villst eins og týndur sauður. Leitaðu að þjóni þínumþví að ég hef ekki gleymt boðorðum þínum.

Neðanmáls

Eða „eru ráðvandir“.
Eða „skoða fyrirmæli þín vandlega“.
Orðrétt „Veltu“.
Eða „skoðar þjónn þinn vandlega“.
Orðrétt „veg fyrirmæla þinna“.
Eða „rannsakað“.
Eða „verða mér til skammar“.
Orðrétt „vil hlaupa veg boðorða þinna“.
Eða hugsanl. „þú vekur traust í hjarta mér“.
Eða „Láttu mig ganga“.
Eða „að því að hagnast“.
Eða hugsanl. „sem er gefið þeim sem óttast þig“.
Eða „orð“.
Eða „ég bíð eftir dómi þínum“.
Eða „rúmgóðum“.
Eða „skoða ákvæði þín vandlega“.
Eða „sagðir“.
Eða „sem þú lést mig bíða eftir“.
Eða „í húsinu þar sem ég bý sem útlendingur“.
Eða „Ég reyni að milda þig (leita eftir brosi hjá þér)“.
Eða „ég syndgaði óvart“.
Orðrétt „tilfinningalaus eins og fita“.
Eða „ég bíð eftir orði þínu“.
Eða „skoða fyrirmæli þín vandlega“.
Eða hugsanl. „með lygum“.
Eða „ég bíð eftir orði þínu“.
Það er, öll sköpunarverk Guðs.
Orðrétt „er mjög víðtækt“.
Eða „skoða þau vandlega“.
Eða „skoða áminningar þínar vandlega“.
Orðrétt „taka við sjálfviljafórnum munns míns“.
Eða „eilífan arf minn“.
Orðrétt „hneigt hjarta mitt að því“.
Eða „með tvískipt hjarta“.
Eða „ég bíð eftir orði þínu“.
Eða „verða mér til skammar“.
Eða „orð“.
Eða „hreinsað“.
Orðrétt „mása“.
Orðrétt „Endurleystu mig“.
Eða „brosa til þjóns þíns“.
Eða „í morgunskímunni“.
Eða „ég bíð eftir orðum þínum“.
Eða „skoðað orð þín vandlega“.
Eða „svívirðilega“.
Eða „áminningar þínar“.
Eða „Flyttu mál mitt“.