Sálmur 116:1–19

  • Þakkarsöngur

    • „Hvernig á ég að endurgjalda Jehóva?“ (12)

    • „Ég lyfti bikar frelsisins“ (13)

    • „Ég efni heit mín við Jehóva“ (14, 18)

    • Dýr er dauði hinna trúföstu (15)

116  Ég elska Jehóvaþví að hann* heyrir til mín, heyrir bænir mínar um hjálp.   Hann beygir sig niður og hlustar á mig,*ég ákalla hann eins lengi og ég lifi.   Bönd dauðans þrengdu að mér,gröfin hélt mér í greipum sér. Ég var máttvana af sorg og angist.   En ég ákallaði nafn Jehóva: „Jehóva, bjargaðu mér!“   Jehóva sýnir samúð og er réttlátur,Guð okkar er miskunnsamur.   Jehóva verndar hina óreyndu. Ég var langt niðri og hann hjálpaði mér.   Láttu mig finna hugarró á nýþví að þú, Jehóva, hefur verið mér góður.   Þú hefur bjargað mér frá dauða,auga mínu frá tárum og fæti mínum frá hrösun.   Ég geng frammi fyrir Jehóva í landi hinna lifandi. 10  Ég trúði og því talaði ég. Ég var sárþjáður. 11  Ég var skelfingu lostinn og sagði: „Allir menn eru lygarar.“ 12  Hvernig á ég að endurgjalda Jehóvaallt það góða sem hann hefur gert fyrir mig? 13  Ég lyfti bikar frelsisins*og ákalla nafn Jehóva. 14  Ég efni heit mín við Jehóvaframmi fyrir allri þjóð hans. 15  Dýr er í augum Jehóvadauði trúfastra þjóna hans. 16  Ég bið til þín, Jehóva,því að ég er þjónn þinn. Ég er þjónn þinn, sonur ambáttar þinnar. Þú hefur frelsað mig úr fjötrum mínum. 17  Ég færi þér þakkarfórn,ég ákalla nafn Jehóva. 18  Ég efni heit mín við Jehóvaframmi fyrir allri þjóð hans, 19  í forgörðum húss Jehóva,í þér, Jerúsalem. Lofið Jah!*

Neðanmáls

Eða hugsanl. „Ég elska því að Jehóva“.
Orðrétt „Hann hneigir eyra sitt til mín“.
Eða „hins mikla frelsis“.
Eða „Hallelúja!“ „Jah“ er stytting nafnsins Jehóva.