Orðskviðirnir 23:1–35

  • Sýndu sjálfstjórn þegar þér er sýnd gestrisni (2)

  • Leggðu ekki kapp á að verða ríkur (4)

  • Auðurinn getur flogið burt (5)

  • Vertu ekki í hópi ofdrykkjumanna (20)

  • Áfengi bítur eins og höggormur (32)

23  Þegar þú sest til borðs með konungihugleiddu þá vandlega hvað er fyrir framan þig.   Leggðu hníf að hálsi þínum*ef matarlystin er mikil.   Láttu þig ekki langa í kræsingar hansþví að þær eru svikul fæða.   Slíttu þér ekki út til að verða ríkur,hættu því og vertu skynsamur.*   Þegar þú lítur til auðsins er hann horfinnþví að hann fær vængi eins og örn og flýgur til himins.   Þiggðu ekki veitingar hjá nískum manni,*láttu þig ekki langa í kræsingar hans   því að hann heldur bókhald yfir þær. „Borðaðu og drekktu,“ segir hann við þig en meinar það ekki.*   Þú munt æla upp bitunum sem þú borðaðirog hrós þitt var til einskis.   Reyndu ekki að tala við hinn heimskaþví að hann fyrirlítur viturleg orð þín. 10  Færðu ekki úr stað hin fornu landamerkiog ryðstu ekki inn á akra föðurlausra 11  því að verjandi* þeirra er sterkur,hann mun flytja mál þeirra gegn þér. 12  Opnaðu hjarta þitt fyrir agaog eyru þín fyrir fræðslu. 13  Vanræktu ekki að aga drenginn,*hann deyr ekki ef þú agar hann.* 14  Já, agaðu hann*til að bjarga honum frá gröfinni.* 15  Sonur minn, ef hjarta þitt verður viturtþá gleðst ég í hjarta mínu. 16  Ég fagna innra með mér*þegar varir þínar segja það sem er rétt. 17  Þú skalt ekki öfunda syndara í hjarta þínuheldur óttast Jehóva öllum stundum. 18  Þá áttu framtíðina fyrir þérog von þín bregst ekki. 19  Hlustaðu, sonur minn, og vertu vitur,beindu hjarta þínu rétta leið. 20  Vertu ekki í hópi þeirra sem drekka of mikið víneða þeirra sem háma í sig kjöt 21  því að drykkjumenn og mathákar verða fátækirog svefnmókið klæðir þá í tötra. 22  Hlustaðu á föður þinn sem gaf þér lífiðog fyrirlíttu ekki móður þína þótt hún sé orðin gömul. 23  Kauptu* sannleika og seldu hann aldrei,einnig visku, aga og skilning. 24  Faðir hins réttláta fagnarog sá sem eignast vitran son gleðst yfir honum. 25  Faðir þinn og móðir gleðjistog sú sem fæddi þig fagni. 26  Sonur minn, gefðu mér hjarta þittog augu þín hafi yndi af vegum mínum 27  því að vændiskona er djúp gryfjaog siðlaus* kona þröngur brunnur. 28  Hún liggur í leyni eins og ræningiog fjölgar ótrúum mönnum. 29  Hver er þjáður? Hver er áhyggjufullur? Hver á í deilum? Hver kvartar? Hver fær sár að ástæðulausu? Hver er sljór til augnanna?* 30  Þeir sem sitja að drykkju tímunum saman,þeir sem sækjast eftir* sterku víni. 31  Horfðu ekki á hversu rautt vínið er,hvernig það glitrar í bikarnum og rennur ljúflega niður. 32  Að lokum bítur það eins og höggormur,spúir eitri eins og naðra. 33  Augu þín munu sjá einkennilega hlutiog ósæmileg orð koma úr hjarta þínu. 34  Þú verður eins og sá sem liggur úti á miðju hafi,eins og sá sem liggur efst uppi á skipsmastri. 35  Þú segir: „Þeir lömdu mig en ég fann ekki fyrir því,þeir börðu mig en ég man ekki eftir því. Hvenær vakna ég? Ég þarf annan drykk.“

Neðanmáls

Eða „Sýndu sjálfstjórn“.
Eða hugsanl. „hættu að verja viti þínu til þess“.
Eða „þeim sem hefur illt auga“.
Orðrétt „en hjarta hans er ekki með þér“.
Orðrétt „lausnari“.
Eða „barnið; hinn unga“.
Orðrétt „slærð hann með vendinum“.
Orðrétt „sláðu hann með vendinum“.
Á hebr. sheol, það er, sameiginleg gröf mannkyns. Sjá orðaskýringar.
Orðrétt „Nýru mín fagna“.
Eða „Aflaðu þér“.
Orðrétt „útlend“. Sjá Okv 2:16.
Eða „með rauð augu“.
Eða „koma saman til að bragða á“.