1. Tímóteusarbréf 2:1–15

  • Biðjið fyrir alls konar fólki (1–7)

    • Einn Guð, einn milligöngumaður (5)

    • Samsvarandi lausnargjald fyrir alla (6)

  • Fyrirmæli til karla og kvenna (8–15)

    • Hógværð í klæðaburði (9, 10)

2  Fyrst og fremst hvet ég til að beðið sé fyrir alls konar fólki með því að bera fram áköll, fyrirbænir og þakkarbænir,  þar á meðal fyrir konungum og öllum sem eru háttsettir* svo að við getum haldið áfram að lifa friðsamlegu og rólegu lífi í hreinni guðrækni og einlægni.  Þetta er gott í augum Guðs, frelsara okkar, og gleður hann,  en hann vill að alls konar fólk bjargist og fái nákvæma þekkingu á sannleikanum.  Til er einn Guð og einn milligöngumaður milli Guðs og manna, maðurinn Kristur Jesús  en hann gaf sjálfan sig sem samsvarandi lausnargjald fyrir alla* – um þetta verður vitnað þegar þar að kemur.  Ég var útnefndur boðberi og postuli til að vitna um þetta – ég segi sannleikann og lýg ekki – og til að fræða þjóðir um trú og sannleika.  Ég vil að á hverjum stað biðjist mennirnir fyrir í trúfesti með upplyftum höndum, án reiði og þrætu.  Og konurnar eiga að prýða sig viðeigandi* klæðnaði, með hógværð og skynsemi,* ekki með íburðarmiklum hárgreiðslum,* gulli, perlum eða rándýrum fötum 10  heldur með góðum verkum eins og sæmir konum sem segjast elska Guð. 11  Kona á að þiggja fræðslu* í hljóði* með fullri undirgefni. 12  Ég leyfi ekki að kona kenni eða fari með vald yfir karlmanni heldur á hún að vera hljóð.* 13  Adam var myndaður fyrst og síðan Eva. 14  Auk þess lét Adam ekki blekkjast en konan lét blekkjast algerlega og braut boðorð Guðs. 15  En það er konunni til verndar að eignast börn, svo framarlega sem hún* lifir áfram í trú, kærleika og hreinleika og er skynsöm.*

Neðanmálsgreinar

Eða „í valdastöðu“.
Eða „alls konar fólk“.
Eða „sómasamlegum“.
Eða „góðri dómgreind“.
Eða „hárfléttum“.
Það er, í söfnuðinum.
Eða „með kyrrð“.
Eða „kyrrlát“.
Orðrétt „þær“.
Eða „sýnir góða dómgreind“.