Stillingar skjálesara

Veldu tungumál

Hoppa í undirvalmynd

Hoppa í efnisyfirlit

Hoppa beint í efnið

Vottar Jehóva

íslenska

VARÐTURNINN NR. 1 2017

 FORSÍÐUEFNI | AÐ HAFA SEM MEST GAGN AF BIBLÍULESTRI

Hvernig er best að byrja að lesa?

Hvernig er best að byrja að lesa?

Hvað getur hjálpað þér að njóta þess að lesa í Biblíunni og fá sem mest út úr lestrinum? Skoðaðu fimm tillögur sem hafa reynst mörgum vel.

Skapaðu þér góðar aðstæður. Reyndu að finna þér rólegan stað þar sem fátt truflar þig svo að þú getir einbeitt þér að því sem þú lest. Nægileg birta og góð loftræsting stuðlar að því.

Lestu með opnum huga. Þar sem Biblían er frá himneskum föður okkar færðu mest út úr lestrinum með því að hugsa eins og barn sem er tilbúið að læra af ástríku foreldri. Reyndu að setja til hliðar fyrir fram mótaðar og neikvæðar hugmyndir um Biblíuna svo að Guð geti frætt þig. – Sálmur 25:4.

Biddu áður en þú lest. Í Biblíunni er að finna hugsanir Guðs. Því ætti ekki að koma á óvart að við þurfum hjálp hans til að skilja hana. Guð lofar að „gefa þeim heilagan anda sem biðja hann“. (Lúkas 11:13) Heilagur andi getur hjálpað þér að skilja huga Guðs. Með tímanum opnar andi Guðs huga þinn svo að þú getur skilið „djúp Guðs“. – 1. Korintubréf 2:10, Biblían 1981.

Lestu til að skilja. Hugsaðu um það sem þú lest í stað þess að reyna bara að komast yfir efnið. Veltu fyrir þér hvaða eiginleika þú sérð í fari þeirra sem þú lest um og hvernig þú getir notað það sem þú lest til að bæta sjálfan þig.

Settu þér markmið. Til að hafa sem mest gagn af biblíulestrinum skaltu reyna að láta hann auðga líf þitt. Hvernig? Þú gætir sett þér það markmið að fræðast meira um Guð sjálfan, verða betri manneskja, betri eiginmaður eða betri eiginkona. Lestu síðan kafla eða bækur í Biblíunni sem hjálpa þér að ná þessum markmiðum. *

Þessar fimm tillögur geta hjálpað þér að byrja að lesa í Biblíunni. En hvernig geturðu gert lesturinn enn áhugaverðari? Í næstu grein er að finna nokkrar tillögur.

^ gr. 8 Ef þú ert ekki viss um hvaða biblíubækur eða kaflar henta best til þess eru vottar Jehóva fúsir til að aðstoða þig.