Stillingar skjálesara

Veldu tungumál

Hoppa í undirvalmynd

Hoppa í efnisyfirlit

Hoppa beint í efnið

Vottar Jehóva

íslenska

VARÐTURNINN NR. 1 2017

 FORSÍÐUEFNI | AÐ HAFA SEM MEST GAGN AF BIBLÍULESTRI

Hvernig geturðu gert lesturinn áhugaverðan?

Hvernig geturðu gert lesturinn áhugaverðan?

Verður leiðinlegt fyrir þig að lesa í Biblíunni? Eða hvetjandi? Það fer að miklu leyti eftir því hvernig þú nálgast viðfangsefnið. Skoðum hvað hægt er að gera til að lesturinn verði áhugaverðari og ánægjulegri.

Veldu áreiðanlega nútímaþýðingu. Ef þú lest torskilinn texta með mörgum úreltum orðum er hæpið að þú hafir ánægju af lestrinum. Finndu þér því Biblíu á auðskildu máli sem nær til hjartans. Þýðingin þarf jafnframt að vera vönduð og nákvæm. *

Notaðu tæknina. Núna er Biblían fáanleg í rafrænu formi, ekki aðeins innbundin í bók. Sumar Biblíur er hægt að lesa beint á Netinu eða hlaða niður í tölvu, spjaldtölvu eða snjallsíma. Sumar útgáfur hafa að geyma hjálpargögn sem auðvelda lesandanum að finna fleiri vers um sama efni eða bera saman biblíuþýðingar. Og ef þú kýst heldur að hlusta á biblíulestur en að lesa geturðu nálgast Biblíuna upplesna á ýmsum tungumálum. Mörgum finnst gott að hlusta á biblíulestur þegar þeir ferðast til og frá vinnu, sjá um þvottinn eða sinna öðrum verkum sem gera þeim kleift að hlusta á meðan. Veldu aðferð sem hentar þér.

Notaðu biblíunámsgögn. Með biblíunámsgögnum geturðu fengið enn þá meira út úr lestrinum.  Kort af biblíulöndunum auðvelda þér að staðsetja atburði sem þú lest um og fá betri yfirsýn yfir þá. Ýmis hjálpargögn geta auðveldað þér að rannsaka Biblíuna svo sem efni í þessu tímariti og á vefsíðunni jw.org/is, undir „Biblían og lífið“.

Notaðu mismunandi aðferðir. Ef þér finnst ógnvekjandi að lesa Biblíuna spjaldanna á milli geturðu örvað áhugann með því að byrja á því sem höfðar sérstaklega til þín. Ef þú vilt fræðast um þekktar biblíupersónur geturðu lesið um hverja persónu fyrir sig. Þú finnur dæmi um það í rammagreininni sem fylgir þessari grein. Rammagreinin heitir: „ Rannsakaðu Biblíuna með því að kynnast sögupersónum.“ Þú getur líka valið að raða lestrinum eftir viðfangsefni eða tímaröð. Hvernig væri að prófa einhverja af þessum tillögum?

^ gr. 4 Mörgum finnst biblíuþýðingin New World Translation of the Holy Scriptures nákvæm, áreiðanleg og auðlesin. Hún er gefin út af Vottum Jehóva og er til á meira en 130 tungumálum. Hægt er að nálgast hana á vefsíðunni jw.org eða með JW Library-appinu. Vottar Jehóva geta líka fært þér eintak af henni ef þú vilt það heldur.

^ gr. 47 Til á ýmsum tungumálum.

^ gr. 48 Til á ýmsum tungumálum.

^ gr. 49 Til á ýmsum tungumálum.