Stillingar skjálesara

Veldu tungumál

Hoppa í undirvalmynd

Hoppa í efnisyfirlit

Hoppa beint í efnið

Vottar Jehóva

íslenska

VARÐTURNINN JANÚAR 2015

 FORSÍÐUEFNI | ER SATAN TIL?

Er Satan raunveruleg persóna?

Er Satan raunveruleg persóna?

Þessi höggmynd, sem er að finna í Madríd á Spáni, lýsir Satan sem spilltum og föllnum engli.

„Ég ólst upp í El Salvador. Þegar ég var óþekkur sagði mamma oft við mig: ,Nú kemur djöfullinn og tekur þig!‘ Þá svaraði ég: ,Hann má alveg koma!‘ Ég trúði á Guð en ég trúði ekki að Satan væri til.“ – ROGELIO.

Ert þú á sömu skoðun og Rogelio var? Hvaða skoðun þykir þér skynsamlegust af þessum þrem?

  • Satan er ekki til, hann er aðeins táknmynd hins illa.

  • Satan er raunveruleg persóna en skiptir sér lítið af mönnunum.

  • Satan er voldug andavera sem hefur gríðarleg áhrif á mannkynið.

Allar þessar skoðanir eru mjög útbreiddar. En skiptir einhverju máli hver þeirra er rétt? Lítum nánar á málið. Ef Satan er ekki til eru þeir sem halda að hann sé til á villigötum. Ef Satan er til en skiptir sér ekkert af mönnunum eru margir á varðbergi eða jafnvel óttaslegnir að ástæðulausu. Ef Satan blekkir hins vegar mennina í þeim tilgangi að ná þeim á sitt vald er hann hættulegri en flestir halda.

Við skulum kanna hvernig eftirfarandi spurningum er svarað í Biblíunni: Hvað eða hver er Satan? Er hann táknmynd hins illa eða er hann andavera? Ef hann er til í raun og veru stafar þér þá hætta af honum? Og ef svo er hvernig geturðu þá varið þig?