Hoppa beint í efnið

Hoppa í undirvalmynd

Hoppa í efnisyfirlit

Vottar Jehóva

íslenska

Varðturninn  |  Maí 2014

Biblíuspurningar og svör

Biblíuspurningar og svör

Hvernig njótum við góðs af dauða Jesú?

Þegar Guð skapaði mennina var það ætlun hans að þeir lifðu að eilífu á jörðinni án þess að veikjast eða deyja. En fyrsti maðurinn, Adam, óhlýðnaðist skaparanum og glataði voninni um eilíft líf. Sem afkomendur Adams erfum við dauðann frá honum. (Rómverjabréfið 5:8, 12; 6:23) Jehóva, hinn sanni Guð, sendi Jesú, son sinn, til jarðarinnar. Hann átti að deyja og endurheimta það sem Adam glataði. – Lestu Jóhannes 3:16.

Jesús dó svo að mannkynið ætti möguleika á að öðlast eilíft líf. Geturðu ímyndað þér hvernig verður að lifa að eilífu á jörðinni?

Dauði Jesú gerir okkur kleift að fá syndir okkar fyrirgefnar og opnar leiðina að eilífu lífi. Í Biblíunni er dregin upp mynd af því hvernig lífið á jörðinni á eftir að verða þegar öldrun, sjúkdómar og dauði herja ekki lengur á mannkynið. – Lestu Jesaja 25:8; 33:24; Opinberunarbókina 21:4, 5.

Hvernig ættum við að minnast dauða Jesú?

Kvöldið áður en Jesús dó sagði hann fylgjendum sínum að minnast dauða síns með látlausri athöfn. Með því að vera viðstödd sérstaka minningarhátíð um dauða hans, sem haldin er ár hvert, fáum við tækifæri til að íhuga hversu mikið Jesús og Jehóva elska mannkynið. – Lestu Lúkas 22:19, 20; 1. Jóhannesarbréf 4:9, 10.