Hoppa beint í efnið

Hoppa í undirvalmynd

Hoppa í efnisyfirlit

Vottar Jehóva

íslenska

Varðturninn  |  Nr. 2 2017

 FORSÍÐUEFNI | ÆTLAR ÞÚ AÐ ÞIGGJA MESTU GJÖF GUÐS?

Einstök gjöf

Einstök gjöf

JORDAN heldur á yddara sem er eins og bátur í laginu og virðist ekki vera ýkja merkilegur. Þó er hann eitt af því dýrmætasta sem hann á. „Russell, gamall fjölskylduvinur, gaf mér hann þegar ég var lítill drengur,“ segir Jordan. Eftir að Russell dó komst Jordan að því að Russell hafði reynst foreldrum hans og afa einstaklega vel og hughreyst þau á erfiðum stundum. Jordan segir: „Núna þegar ég veit meira um Russell er þessi litla gjöf mér miklu meira virði.“

Eins og reynsla Jordans sýnir getur gjöf verið ómetanleg í augum þess sem kann að meta hana þó að hún hafi lítið sem ekkert gildi í augum annarra. Biblían segir frá ómetanlegri gjöf með þessum þekktu orðum: „Svo elskaði Guð heiminn að hann gaf einkason sinn til þess að hver sem á hann trúir glatist ekki heldur hafi eilíft líf.“ – Jóhannes 3:16.

Gjöfin getur þýtt eilíft líf fyrir þann sem fær hana! Getur nokkur gjöf verið verðmætari en það? Þó að sumir geri sér ekki grein fyrir verðmæti gjafarinnar telja sannir fylgjendur Jesú hana mjög dýrmæta. (Sálmur 49:9; 1. Pétursbréf 1:18, 19) En hvers vegna gaf Guð heiminum líf sonar síns?

Páll postuli skýrir það með þessum orðum: „Syndin kom inn í heiminn með einum manni og dauðinn með syndinni. Þannig er dauðinn runninn til allra manna.“ (Rómverjabréfið 5:12) Adam, fyrsti maðurinn, hlaut dauðadóm þegar hann syndgaði með því að óhlýðnast Guði vísvitandi. Adam gaf afkomendum sínum – mannkyninu öllu – dauðann í arf.

 „Laun syndarinnar er dauði en náðargjöf Guðs er eilíft líf í Kristi Jesú, Drottni vorum.“ (Rómverjabréfið 6:23) Guð sendi son sinn, Jesú Krist, til jarðar til að fórna fullkomnu lífi sínu fyrir heiminn og leysa mannkynið undan dauðadómnum. Á grundvelli þeirrar fórnar, sem kölluð er „lausnarfórn“, fá allir sem trúa á Jesú eilíft líf. – Rómverjabréfið 3:24.

Páll postuli segir um þær blessanir sem Guð býður þjónum sínum fyrir atbeina Jesú Krists: „Þökk sé Guði fyrir sína óumræðilegu gjöf!“ (2. Korintubréf 9:15) Já, lausnarfórnin er svo stórkostleg að við getum ekki lýst henni til fulls. En hvers vegna er lausnarfórnin einstök gjöf og ólík öllum öðrum gjöfum Guðs til mannkynsins? * Og hvernig getum við sýnt að við kunnum að meta hana? Við hvetjum þig til að kynna þér svar Biblíunnar við þessum spurningum með því að lesa næstu tvær greinar.

^ gr. 8 Jesús „lét lífið fyrir okkur“ af fúsum vilja. (1. Jóhannesarbréf 3:16) En þar sem þessi fórn var hluti af fyrirætlun Guðs beina þessar greinar athyglinni að hlutverki Guðs í að færa lausnarfórnina.