Hoppa beint í efnið

Hoppa í undirvalmynd

Hoppa í efnisyfirlit

Vottar Jehóva

íslenska

Vaknið!  |  Nóvember 2014

 BÝR HÖNNUN AÐ BAKI?

Fætur hestsins

Fætur hestsins

HESTUR (Equus caballus) getur náð allt að 50 kílómetra hraða á klukkustund á stökki. Og hann fer nokkuð létt með þetta aflfræðilega afrek. Hvert er leyndarmálið? Svarið er að finna í fótum hestsins.

Veltu fyrir þér hvað gerist í fæti hestsins þegar hann hleypur. Þegar hesturinn stígur niður spennast vöðvar og sinar í fótum hans. Þessi spenna gefur hestinum spyrnuna sem hann þarf til að komast áfram, ekki ósvipað og þegar losað er um spennu í gormi.

Þegar hesturinn hleypur titra fæturnir með hárri tíðni en það gæti farið illa með sinarnar. Vöðvarnir dempa hins vegar titringinn. Sérfræðingar kalla þetta „afar sérhæfða hönnun vöðva og sina“ sem gefur hestinum bæði snerpu og styrk.

Verkfræðingar reyna að herma eftir fótum hestsins í hönnun á fjórfættum vélmennum. En samkvæmt rannsóknadeild við Tækniháskólann í Massachusetts, sem sérhæfir sig í að nota lífhermitækni í smíði vélmenna, eru fætur hestsins það flókin hönnun að erfitt er að líkja eftir þeim með þeim efnivið og tækniþekkingu sem við búum yfir í dag.

Hvað heldur þú? Urðu fætur hestsins til við þróun eða býr hönnun að baki?