Hoppa beint í efnið

Hoppa í undirvalmynd

Hoppa í efnisyfirlit

Vottar Jehóva

íslenska

Vaknið!  |  Júlí 2013

 LÖND OG ÞJÓÐIR

A Visit to Panama

A Visit to Panama

PANAMA er líklega þekktast fyrir Panamaskurðinn sem tengir Atlantshaf og Kyrrahaf. En landið tengir einnig saman þjóðir því að það liggur milli Norður- og Suður-Ameríku. Þar býr fólk ýmissa menningarsamfélaga og kynþátta. Stór hluti íbúanna er blendingar frumbyggja og fólks af evrópskum uppruna.

VISSIR ÞÚ? Gullni froskurinn í Panama (Atelopus zeteki) „veifar“ framfætinum til að laða að væntanlega maka og til að ógna keppinautum.

Þegar spænskir landkönnuðir stigu á land í Panama árið 1501 fundu þeir fjölmörg samfélög innfæddra. Sum þeirra eru til enn í dag. Eitt þeirra er kunaindíánar. Margir kunaindíánar búa á frumbyggjasvæðum San Blas-eyja og meðfram strönd  Karíbahafs nálægt landamærum Panama og Kólumbíu. Þar stunda þeir fiskveiðar á eintrjáningum, veiðar og matjurtarækt.

Hjá kunaindíánum tíðkast að þegar maður giftir sig flytur hann til stórfjölskyldu eiginkonu sinnar og vinnur þar. Ef hjónin eignast síðan dóttur geta þau flust burt frá tengdafólkinu og stofnað eigið heimili.

Í Panama eru um 300 söfnuðir Votta Jehóva. Auk spænsku eru samkomur haldnar á kínversku, ensku, gújaratí, kuna, haítí-kreólsku, ngabere og panamísku táknmáli.