Hoppa beint í efnið

Hoppa í undirvalmynd

Hoppa í efnisyfirlit

Vottar Jehóva

íslenska

Líf okkar og boðun – vinnubók fyrir samkomur  |  Október 2017

 LÍF OKKAR Í KRISTINNI ÞJÓNUSTU

Hvernig get ég orðið iðinn biblíunemandi?

Hvernig get ég orðið iðinn biblíunemandi?

Myndir þú vilja sýna trúfesti í prófraunum eins og Daníel? Hann var iðinn biblíunemandi og kafaði djúpt þegar hann rannsakaði spádóma. (Dan 9:2) Slíkt biblíunám getur hjálpað þér að sýna trúfesti. Hvernig þá? Þú styrkir trú þína á að loforð Guðs rætist. (Jós 23:14) Það getur líka styrkt kærleika þinn til Guðs og löngun til að gera það sem er rétt. (Slm 97:10) En hvar er best að byrja? Skoðaðu eftirfarandi tillögur:

  • Hvað ætti ég að kynna mér betur? Góðar námsvenjur fela meðal annars í sér undirbúning fyrir samkomur. Þú hefur meira gagn af vikulega biblíulestrinum ef þú tekur þér tíma til að rannsaka betur það sem þú skilur ekki. Auk þess hafa sumir ákveðið að kynna sér betur biblíuspádóma, ávöxt andans, trúboðsferðir Páls postula eða sköpunarverk Jehóva. Ef þér detta í hug einhverjar biblíuspurningar yfir daginn skaltu skrifa þær niður og gera þær að næsta viðfangsefni þínu.

  • Hvar finn ég upplýsingar? Til að sjá hvaða möguleikar eru í boði skaltu horfa á myndskeiðið Hjálpargögn til að finna andlega fjársjóði. Til að prófa þekkingu þína skaltu athuga hvaða heimsveldi dýrin í 7. kafla Daníelsbókar tákna.

  • Hversu miklum tíma ætti ég að verja til biblíunáms? Til að styrkja trúna er lykilatriði að vera iðinn biblíunemandi. Þú getur byrjað á stuttum námsstundum og lengt þær síðan smám saman. Að kynna sér orð Guðs er eins og að grafa eftir fólgnum fjársjóðum. Því meira sem maður finnur þeim mun meiri verður áhuginn á að grafa. (Okv 2:3-6) Orð Guðs verður þér kærara og reglubundið biblíunám heldur áfram að vera föst venja hjá þér. – 1Pét 2:2.

HVAÐ TÁKNA DÝRIN Í 7. KAFLA DANÍELSBÓKAR?

  • Dan 7:4

  • Dan 7:5

  • Dan 7:6

  • Dan 7:7

AUKASPURNING:

Hvernig rættist Daníel 7:8, 24?

NÆSTA VIÐFANGSEFNI:

Hvað tákna dýrin í 13. kafla Opinberunarbókarinnar?