Hoppa beint í efnið

Hoppa í efnisyfirlit

 LÍF OKKAR Í KRISTINNI ÞJÓNUSTU

Páll þakkaði Guði og hresstist við

Páll þakkaði Guði og hresstist við

Þegar söfnuðurinn í Róm frétti að Páll væri á leiðinni fór hópur bræðra um 64 km til móts við hann. Hvaða áhrif hafði fórnfýsi þeirra á Pál? Þegar Páll sá þá þakkaði hann Guði og hresstist við. (Post 28:15) Þótt Páll væri þekktur fyrir að uppörva söfnuðina sem hann heimsótti, var hann á þessum tíma fangi og kunni að meta að fá uppörvun. – 2Kor 13:10.

Nú á tímum ferðast farandhirðar frá einum söfnuði til annars til að uppörva bræður og systur. Eins og allir þjónar Guðs geta þeir af og til orðið þreyttir, kvíðafullir eða niðurdregnir. Hvað gætir þú gert til að hvetja farandhirðinn og eiginkonu hans næst þegar þau heimsækja söfnuðinn þinn svo þið getið „uppörvast saman“? – Róm 1:11, 12.

  • Sæktu samansafnanir. Það er hvetjandi fyrir farandhirðinn þegar boðberar eru tilbúnir að fórna einhverju til að hafa sem mest gagn af þessari sérstöku starfsviku. (1Þess 1:2, 3; 2:20) Hugleiddu hvort þú gætir gerst aðstoðarbrautryðjandi í mánuðinum sem hann heimsækir söfnuðinn. Gætirðu boðist til að fara í boðunina með honum eða eiginkonu hans eða tekið annað þeirra með þér til biblíunemanda? Þeim finnst gaman að boða trúna með mismunandi boðberum, þar á meðal nýjum og þeim sem hafa ekki öðlast færni í boðuninni.

  • Sýndu gestrisni. Gætirðu boðið þeim gistingu eða í mat? Það sýnir farandhirðinum og konu hans að þér sé annt um þau. Þau gera ekki ráð fyrir neinum lúxus. – Lúk 10:38-42.

  • Hlustaðu á leiðbeiningar hans og ráð. Farandhirðirinn hjálpar okkur á kærleiksríkan hátt að sjá hvernig við getum tekið framförum í þjónustunni við Jehóva. Af og til þarf hann að veita alvarlegar áminningar. (1Kor 5:1-5) Það gleður hann þegar við hlýðum og erum auðmjúk. – Heb 13:17.

  • Sýndu þakklæti. Segðu farandhirðinum og eiginkonu hans hvernig starf þeirra hefur komið þér að gagni. Þú getur gert það augliti til auglitis eða með því að senda skilaboð eða kort. – Kól 3:15.