Hoppa beint í efnið

Hoppa í undirvalmynd

Hoppa í efnisyfirlit

Vottar Jehóva

íslenska

Kenndu börnunum

 13. KAFLI

Tímóteus langaði til að hjálpa fólki

Tímóteus langaði til að hjálpa fólki

Unga manninum Tímóteusi fannst gaman að hjálpa öðrum. Hann fór til margra borga til að hjálpa fólki. Á þessum ferðum gerðist margt sem var ánægjulegt og spennandi. Langar þig til að vita meira um það? –

Móðir Tímóteusar og amma kenndu honum að elska Jehóva.

Tímóteus átti heima í borg sem hét Lýstra. Lóis, amma hans, og Evnike, móðir hans, kenndu honum að elska Jehóva frá því að hann var lítið barn. Þess vegna langaði hann til að hjálpa öðrum að kynnast Jehóva.

Þegar Tímóteus var ungur maður spurði Páll hvort hann vildi ferðast með sér til annarra borga til að hjálpa fólkinu þar að kynnast Jehóva. Tímóteus langaði svo mikið til að hjálpa fólki að hann sagði strax: ,Já!‘

 Tímóteus fór með Páli til borgarinnar Þessaloníku í Makedóníu. Þeir þurftu að ganga langa leið og sigla með bát til að komast þangað. Þegar þeir komust loks á leiðarenda sögðu þeir fullt af fólki frá Jehóva. En margir urðu mjög reiðir og reyndu að meiða þá. Páll og Tímóteus þurftu þess vegna að flýja borgina og hjálpa fólki annars staðar að kynnast Jehóva.

Tímóteus fékk mörg spennandi og ánægjuleg verkefni.

Nokkrum mánuðum seinna bað Páll Tímóteus að fara aftur til Þessaloníku til að athuga hvernig gengi hjá trúsystkinum þeirra. Tímóteus þurfti að vera mjög hugrakkur til að fara aftur til þessarar borgar þar sem fólkið hafði verið svo reitt. En hann fór samt því að hann hafði áhyggjur af trúsystkinum sínum. Þegar hann kom aftur til Páls hafði hann góðar fréttir að færa. Vinir þeirra í Þessaloníku stóðu sig mjög vel.

Tímóteus starfaði með Páli í mörg ár. Páll skrifaði einu sinni að honum þætti mjög gott að senda Tímóteus til að hjálpa söfnuðunum. Tímóteus elskaði Jehóva og þótti vænt um aðra.

Þykir þér vænt um aðra? Langar þig til að hjálpa þeim að kynnast Jehóva? – Þá getur þú, eins og Tímóteus, fengið mörg spennandi og ánægjuleg verkefni.

LESTU Í BIBLÍUNNI ÞINNI

  • 2. Tímóteusarbréf 1:5; 3:15

  • Postulasöguna 16:1-5; 17:1-10

  • 1. Þessaloníkubréf 3:2-7

  • Filippíbréfið 2:19-22