Hoppa beint í efnið

Hoppa í undirvalmynd

Hoppa í efnisyfirlit

Vottar Jehóva

íslenska

Kenndu börnunum

 12. KAFLI

Frændi Páls var hugrakkur

Frændi Páls var hugrakkur

Við skulum nú lesa um ungan mann sem bjargaði lífi frænda síns. Frændi hans hét Páll en við vitum ekki hvað ungi maðurinn hét. Við vitum samt að hann var mjög hugrakkur. Langar þig til að vita hvað hann gerði? –

Páll postuli var í fangelsi í Jerúsalem. Hann hafði verið tekinn fastur fyrir að segja fólki frá Jesú. En nokkrir vondir menn hötuðu Pál og vildu drepa hann. Þeir sögðu: ,Biðjum herforingjann að láta hermennina sína koma með Pál í dómshúsið. Förum svo og felum okkur við veginn og þegar Páll kemur skulum við ráðast á hann og drepa hann.‘

Frændi Páls sagði Páli og herforingjanum frá því sem vondu mennirnir ætluðu að gera.

Frændi Páls frétti af þessu. En hvað átti hann að gera? Hann fór til Páls í fangelsið og sagði honum hvað vondu mennirnir ætluðu að gera. Páll bað hann að fara strax og segja herforingjanum frá þessu. Heldurðu að það hafi verið auðvelt fyrir frænda Páls að tala við herforingjann? – Það var ekki auðvelt því að herforinginn var mjög voldugur. En frændi Páls var hugrakkur og talaði við herforingjann.

Herforinginn vissi hvað var best að gera. Hann fékk næstum 500 hermenn til að vernda Pál og sagði þeim að fara með hann til Sesareu strax um kvöldið. Tókst þeim að bjarga Páli? – Já, vondu mennirnir náðu ekki að drepa hann. Leynibrall þeirra mistókst.

Hvað geturðu lært af þessari frásögu? – Þú getur verið hugrakkur alveg eins og frændi Páls. Við þurfum að vera hugrökk þegar við segjum fólki frá Jehóva. Ætlar þú að vera hugrakkur og segja öðrum frá Jehóva? – Ef þú gerir það gætirðu bjargað lífi einhvers.

LESTU Í BIBLÍUNNI ÞINNI

  • Postulasöguna 23:12-24

  • Matteus 24:14; 28:18-20

  • 1. Tímóteusarbréf 4:16