Hoppa beint í efnið

Hoppa í undirvalmynd

Hoppa í efnisyfirlit

Vottar Jehóva

íslenska

Hamingjuríkt fjölskyldulíf

 9. Hluti

Tilbiðjið Jehóva saman sem fjölskylda

Tilbiðjið Jehóva saman sem fjölskylda

„Tilbiðjið þann sem hefur gert himininn og jörðina.“ – Opinberunarbókin 14:7.

Eins og þú hefur séð í þessum bæklingi hefur Biblían að geyma margar meginreglur sem eru þér og fjölskyldu þinni til góðs. Jehóva vill að þú sért hamingjusamur. Hann lofar að ef þú lætur tilbeiðsluna á honum hafa forgang í lífi þínu „mun allt þetta [sem þú þarfnast] veitast yður að auki“. (Matteus 6:33) Hann langar innilega að þú tengist honum vináttuböndum. Nýttu hvert tækifæri til að styrkja vináttu þína við Guð. Vinátta við hann er mesti heiður sem hægt er að fá. – Matteus 22:37, 38.

 1 STYRKTU SAMBAND ÞITT VIÐ JEHÓVA

BIBLÍAN SEGIR: „Ég mun vera ykkur faðir og þið munuð vera mér synir og dætur, segir Drottinn.“ (2. Korintubréf 6:18) Guð vill að þú tengist honum nánum vináttuböndum og það gerirðu meðal annars með bæninni. Jehóva býður þér að biðja til sín „án afláts“. (1. Þessaloníkubréf 5:17) Hann vill að þú tjáir honum þínar innstu hugsanir og tilfinningar. (Filippíbréfið 4:6) Þegar þú biður til Jehóva með fjölskyldunni skynjar hún hve raunverulegur hann er þér og hve annt þér er um samband þitt við hann.

Auk þess að tala við Guð þarftu að hlusta á hann. Það gerirðu með því að afla þér fræðslu frá orði hans og biblíutengdum ritum. (Sálmur 1:1, 2) Íhugaðu það sem þú lærir. (Sálmur 77:12, 13) Til að hlusta á Guð þarftu líka að sækja safnaðarsamkomur að staðaldri. – Sálmur 122:1-4.

Það er einnig mikilvægt að þú segir öðrum frá Jehóva til að styrkja samband þitt við hann. Því meir sem þú gerir það því nánari verður vinátta ykkar. – Matteus 28:19, 20.

ÞAÐ SEM ÞÚ GETUR GERT:

  • Taktu þér tíma á hverjum degi til að lesa í Biblíunni og biðja til Guðs.

  • Vinnið að því sem fjölskylda að láta andlegu málin ganga fyrir skemmtun og afþreyingu.

2 HAFÐU ÁNÆGJU AF TILBEIÐSLUSTUND FJÖLSKYLDUNNAR

BIBLÍAN SEGIR: „Nálægið ykkur Guði og þá mun hann nálgast ykkur.“ (Jakobsbréfið 4:8) Þú þarft að fastsetja tíma fyrir tilbeiðslustund fjölskyldunnar og skipuleggja hvaða námsefni þið farið yfir í hverri viku. (1. Mósebók 18:19) En meira þarf til. Vináttan við Guð þarf að móta daglegt líf fjölskyldunnar. Styrktu samband hennar við Guð með því að tala um hann „þegar þú situr heima og þegar þú ert á faraldsfæti, þegar þú leggst til svefns og þegar þú ferð á fætur“. (5. Mósebók 6:6, 7) Settu þér sama markmið og Jósúa sem sagði: „Ég og mínir ættmenn munum þjóna Drottni.“ – Jósúabók 24:15.

ÞAÐ SEM ÞÚ GETUR GERT:

  • Hafðu kennsluna markvissa og skipulagða og taktu mið af þörfum hvers og eins í fjölskyldunni.

Meira

HVERJIR GERA VILJA JEHÓVA?

Hvaða hlutverki þjónar biblíunám fjölskyldunnar?

Sjáðu hvernig þessi ráðstöfun getur hjálpað fjölskyldum að styrkja sambandið við Guð og treysta fjölskylduböndin.

HVAÐ KENNIR BIBLÍAN?

Hamingjuríkt fjölskyldulíf

Eiginmenn, eiginkonur, foreldrar og börn ættu að líkja eftir kærleika Jesú. Hvað getum við lært af honum?