Stillingar skjálesara

Veldu tungumál

Hoppa í undirvalmynd

Hoppa í efnisyfirlit

Hoppa beint í efnið

Vottar Jehóva

íslenska

Hamingjuríkt fjölskyldulíf

 5. Hluti

Góð samskipti við ættingja

Góð samskipti við ættingja

„Íklæðist ... góðvild, auðmýkt, hógværð og langlyndi.“ – Kólossubréfið 3:12.

Þegar þú giftir þig stofnarðu nýja fjölskyldu. Og þótt þú munir ávallt elska og virða foreldra þína er maki þinn nú mikilvægasta manneskjan í lífi þínu. Vera má að foreldrum ykkar finnist erfitt að sætta sig við það. En meginreglur Biblíunnar geta hjálpað þér að eiga gott samband við þá, þótt mestallur tími þinn og kraftar fari í að byggja upp hjónabandið. Þessar meginreglur geta einnig átt við um samskipti við systkini, ömmur og afa og aðra ættingja.

 1 HAFÐU RÉTT VIÐHORF TIL FORELDRA YKKAR

BIBLÍAN SEGIR: „Heiðra föður þinn og móður.“ (Efesusbréfið 6:2) Þú átt alltaf að sýna foreldrum þínum virðingu sama hversu gamall þú ert. Hafðu einnig í huga að maki þinn á líka foreldra og þarf að veita þeim ást og athygli. „Kærleikurinn öfundar ekki.“ Líttu því aldrei á samband makans við foreldra sína sem ógn við hjónaband ykkar. – 1. Korintubréf 13:4; Galatabréfið 5:26.

ÞAÐ SEM ÞÚ GETUR GERT:

  • Varastu að varpa fram fullyrðingum eins og: „Fjölskyldan þín gerir alltaf lítið úr mér“ eða „mamma þín er aldrei ánægð með neitt sem ég geri“.

  • Reyndu að sjá málin frá sjónarhóli maka þíns.

 2 VERTU ÁKVEÐINN ÞEGAR Á ÞARF AÐ HALDA

BIBLÍAN SEGIR: „Maður [yfirgefur] föður sinn og móður sína og býr með eiginkonu sinni, og þau verða eitt.“ (1. Mósebók 2:24) Þótt þú hafir gengið í hjónaband gæti foreldrum þínum enn fundist þau bera ábyrgð á þér og vilja kannski skipta sér meira af hjónabandi þínu en þau ættu að gera.

Það er undir þér og maka þínum komið að ákveða hvaða mörk þið setjið og segja þeim síðan hlýlega frá því. Þú getur verið hreinskilinn og ákveðinn án þess að vera ókurteis. (Orðskviðirnir 15:1) Temdu þér góðvild, auðmýkt og þolinmæði því að það hjálpar þér að byggja upp gott samband við foreldrana og gerir ykkur kleift að ,umbera og elska hvert annað‘. – Efesusbréfið 4:2.

ÞAÐ SEM ÞÚ GETUR GERT:

  • Ef þú hefur áhyggjur af afskiptum foreldranna skaltu ræða það við makann þegar þið eruð bæði afslöppuð.

  • Komið ykkur saman um hvernig þið takið á málinu.