Hoppa beint í efnið

Hoppa í undirvalmynd

Hoppa í efnisyfirlit

Vottar Jehóva

íslenska

Gleðifréttir frá Guði

 9. HLUTI

Hvernig geta fjölskyldur verið hamingjusamar?

Hvernig geta fjölskyldur verið hamingjusamar?

1. Af hverju er hjónaband mikilvægur þáttur í farsælu fjölskyldulífi?

Gleðifréttirnar eru frá Jehóva. Hann er glaður Guð og vill að fjölskyldur séu það líka. (Sálmur 104:31) Jehóva er höfundur hjónabandsins. Til að fjölskyldulíf sé farsælt er mikilvægt að lögskrá hjónabandið. Það veitir fjölskyldunni skjól og skapar börnunum öruggt umhverfi í uppvextinum. Kristnir menn eiga að virða þau lög sem gilda á hverjum stað um skráningu hjónabands. – Lestu Lúkas 2:1, 4, 5.

Hvaða augum lítur Guð á hjónabandið? Það á að vera varanlegt samband karls og konu. Jehóva vill að hjón séu hvort öðru trú. (Hebreabréfið 13:4) Hann ,hatar hjónaskilnað‘. (Malakí 2:16, Biblían 1981) Hann leyfir þó fólki að skilja ef makinn er ótrúr. – Lestu Matteus 19:3-6, 9.

2. Hvernig eiga hjón að koma fram hvort við annað?

Jehóva gerði karla og konur þannig úr garði að hjón bættu hvort annað upp. (1. Mósebók 2:18) Sem höfuð fjölskyldunnar á eiginmaðurinn að hafa forystuna um að sjá henni farborða og fræða hana um Guð. Hann á að sýna konu sinni óeigingjarna ást. Hjón eiga að elska og virða hvort annað. Þar sem allir eru ófullkomnir þurfa þau að læra að fyrirgefa til að vera hamingjusöm. – Lestu Efesusbréfið 4:31, 32; 5:22-25, 33; 1. Pétursbréf 3:7.

3. Ættu hjón að skilja ef þau eru óhamingjusöm?

Ef hjón eiga í erfiðleikum í hjónabandinu ættu þau bæði að leggja sig fram um að sýna hvort öðru kærleika. (1. Korintubréf 13:4, 5) Í Biblíunni er ekki mælt með að hjón reyni  að leysa algeng vandamál með því að slíta samvistum. – Lestu 1. Korintubréf 7:10-13.

4. Hver er vilji Guðs með ykkur börnin?

Jehóva vill að þið séuð hamingjusöm. Hann gefur ykkur bestu ráð sem völ er á til að þið njótið æskuáranna. Hann vill að þið njótið góðs af visku og reynslu foreldra ykkar. (Kólossubréfið 3:20) Jehóva vill líka að þið upplifið ánægjuna sem fylgir því að gera vilja hans og sonar hans. – Lestu Prédikarann 11:9 – 12:1; Matteus 19:13-15; 21:15, 16.

5. Hvernig getið þið foreldrar stuðlað að hamingju barnanna?

Þið ættuð að leggja ykkur fram um að sjá börnunum fyrir fæði, klæði og húsnæði. (1. Tímóteusarbréf 5:8) En til að börnin séu hamingjusöm þurfið þið líka að kenna þeim að elska Guð og læra af honum. (Efesusbréfið 6:4) Þið getið haft sterk áhrif á börnin með því að sýna sjálf að þið elskið Guð. Ef þið byggið kennslu ykkar á Biblíunni getið þið haft jákvæð mótandi áhrif á börnin. – Lestu 5. Mósebók 6:4-7; Orðskviðina 22:6.

Börn þrífast á hvatningu og hrósi. En þau þurfa líka á leiðréttingu og ögun að halda. Það kemur í veg fyrir að þau leiðist út í hegðun sem gæti spillt fyrir hamingju þeirra. (Orðskviðirnir 22:15) Ögun ætti þó aldrei að vera hörkuleg eða grimmileg. – Lestu Kólossubréfið 3:21.

Vottar Jehóva hafa gefið út nokkrar bækur sem eru sérstaklega ætlaðar foreldrum og börnum. Þessar bækur eru byggðar á leiðbeiningum Biblíunnar. – Lestu Sálm 19:8, 12.

 

Meira

HAMINGJURÍKT FJÖLSKYLDULÍF

Leitaðu til Guðs til að hafa yndi af hjónabandinu

Tvær einfaldar spurningar sem geta hjálpað þér að bæta hjónabandið.

HAMINGJURÍKT FJÖLSKYLDULÍF

Hvernig leysa á vandamál

Hvernig tekið er á vandamálum getur ráðið úrslitum um það hvort hjónabandið verður traust og hamingjuríkt eða ótraust og gleðisnautt.

HVAÐ KENNIR BIBLÍAN?

Hamingjuríkt fjölskyldulíf

Eiginmenn, eiginkonur, foreldrar og börn ættu að líkja eftir kærleika Jesú. Hvað getum við lært af honum?