Stillingar skjálesara

Veldu tungumál

Hoppa í undirvalmynd

Hoppa í efnisyfirlit

Hoppa beint í efnið

Vottar Jehóva

íslenska

Biblíusögubókin mín

Saga 27: Vondur konungur í Egyptalandi

Saga 27: Vondur konungur í Egyptalandi

MENNIRNIR hér eru að neyða aðra menn til að vinna. Sjáðu manninn sem slær einn af verkamönnunum með svipu! Verkamennirnir tilheyra fjölskyldu Jakobs og eru kallaðir Ísraelsmenn. Mennirnir, sem neyða þá til að vinna, eru Egyptar. Ísraelsmenn eru orðnir þrælar Egypta. Hvernig gerðist það?

Egyptar kúga Ísraelsmenn

Í mörg ár bjó hin stóra fjölskylda Jakobs í friði í Egyptalandi. Jósef, sem var voldugasti maðurinn í Egyptalandi næst á eftir Faraó konungi, gætti þeirra. En svo dó Jósef. Og nýr Faraó, sem líkaði ekki við Ísraelsmenn, varð konungur í Egyptalandi.

Þessi vondi Faraó gerði Ísraelsmenn að þrælum. Og hann lét illgjarna og grimma menn gæta þeirra og skipa þeim fyrir verkum. Þeir neyddu Ísraelsmenn til að vinna erfiðisvinnu við að byggja borgir handa Faraó. En samt fjölgaði Ísraelsmönnum jafnt og þétt. Að nokkrum tíma liðnum tóku Egyptar að óttast að Ísraelsmenn yrðu allt of fjölmennir og allt of öflugir.

Egyptar kúga Ísraelsmenn

Veistu hvað Faraó gerði þá? Hann kallaði til sín konurnar, sem hjálpuðu ísraelskum mæðrum þegar þær fæddu börn sín, og sagði við þær: 'Þið skuluð deyða alla drengi sem fæðast.‘ En þær voru góðar konur og vildu ekki deyða nýfæddu drengina.

Þá gaf Faraó mönnum sínum þessa skipun: 'Takið nýfæddu ísraelsku drengina og deyðið þá. Látið aðeins stúlkurnar lifa.‘ Var þetta ekki hræðileg skipun? Við skulum nú sjá hvernig einum drengjanna var bjargað.

2. Mósebók 1:6-22.