Jeobá Diuska Jesustami kai Alpama kachamurka (1 Juan 4:9)

Nukanchika Diusta kuntintachingapa munagpi, iukanchi paipa wambratami uianga. Jeobaka awa suma luarpi chi wambrata iapa wapu anjelsina rurarka, Adán runata manara ruraspa.

Achka watakunapi Dius chi anjelta kai Alpama kachamurka wawasinami tiagsamungapa. Sipas María suti manara kari iukaspa, Belenpi chi wawatami iukarka, sutichinakuspa Jesús (Juan 6:38).

Kai Alpapi kaugsankama Jesús iapa allimi karka. Tukui jentekunata paipa taitasina kuiarka. Chimandami munarkakuna paiwa sugllapi puringapa. Jesús mana manchaspalla iachachirka sutipami Taita Diusmanda.

 Jesús allilla ruragpipas, achka jentekuna paita rabiawa kawaspa kaugsarka (1 Pedro 2:21-23)

Jesús ungugkunata ambirka i wañuskakunatapas kaugsachirka.

Jesús nirka saserdotekuna i fariseo sutikunapas llullaspa iachachinakuskata, i iapa jiru ruranakuskata. Chimanda paikuna Jesusta iapa rabiawa kawaspa kaugsarkakuna.

Chi saserdotekuna i fariseokunapas llullaspami rimarkakuna romanokunata, Jesusta asutingapa i wañuchingapa.