Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

JW BROADCASTING

Agbuya iti Video on Demand iti TV.JW.ORG

Agbuya iti Video on Demand iti TV.JW.ORG

Iti Video on Demand, mabalinmo ti agbuya kadagiti video ti tv.jw.org iti aniaman nga oras. Mabalinmo nga i-pause, i-rewind, wenno i-fast forward dagiti video. Mabalinmo ti agbuya iti maysa a video wenno mabalinmo met a buyaen ti amin a video iti maysa a koleksion. I-click-mo wenno talmegam ti Video on Demand button tapno makitam dagiti kategoria ti video. Tapno makabirok ken makabuyaka kadagiti video, surotem dagiti instruksion iti baba:

 Agbirok ken Agbuya iti Video

No luktam ti Video on Demand, agparang dagiti kategoria ti video. Adda ladawan ken paulo ti tunggal kategoria. Makita ti dadduma a video iti nagduduma a kategoria. Kas pagarigan, ti video a The Prodigal Returns ket makita iti Movies, Family, ken Teenagers.

I-scroll-mo pababa tapno makitam ti amin a kategoria.

I-click-mo wenno talmegam ti ladawan wenno paulo ti kategoria tapno maluktam. Makita iti ladawan iti ngato ti iskrin ti paulo ken deskripsion ti kategoria. Makita iti baba ti ladawan dagiti koleksion ti video nga adda iti dayta a kategoria.

Computer wenno tablet: I-click-mo wenno talmegam ti Left Arrow wenno Right Arrow tapno makitam ti dadduma pay a video iti maysa a koleksion.

Smartphone: Ti umuna a video iti tunggal koleksion ti agparang. Tapno makitam ti dadduma pay a video iti maysa a koleksion, talmegam ti See More.

I-click-mo wenno talmegam ti ladawan wenno paulo ti maysa a video tapno maluktam. Makita iti ladawan iti ngato ti iskrin ti paulo ti video, ti deskripsion, ken ti kapautna.

I-click-mo wenno talmegam ti Play button tapno mabuyam ti video. (Palagip: Iti iOS ken Android a mobile device, masapul met a talmegam ti Play icon.)

I-click-mo wenno talmegam ti Download button tapno mai-save ti video iti computer wenno mobile device-mo. (Palagip: Mabalin nga agkasapulan iti kanayonan nga application ti dadduma a mobile device tapno maka-download.) I-click-mo wenno talmegam ti kayatmo a resolution ti video a kayatmo nga i-download.

No nabuyamon ti dadduma a paset ti video, i-click-mo wenno talmegam ti Resume button tapno maituloymo a buyaen. I-click-mo wenno talmegam ti Play From Beginning button tapno mabuyam ti video manipud iti rugi.

  • Tip: Imbes nga i-play-mo a saggaysa dagiti video, mabalinmo nga i-click wenno talmegan ti Play All button iti abay ti paulo ti koleksion tapno mai-play-mo ti amin a video iti dayta a koleksion.

    Palagip: No nalpasen a nai-play ti amin a video iti koleksion, agsardengen ti pannakai-play dagiti video.

  • No in-click-mo wenno tinalmegam ti Play All, i-click-mo wenno talmegam ti Skip Back tapno mai-play-mo ti video nga umun-una ngem iti madama a buybuyaem.

  • No in-click-mo wenno tinalmegam ti Play All, i-click-mo wenno talmegam ti Skip Forward tapno mai-play-mo ti sumaruno a video iti koleksion.

 Kontrolen ti Pannakai-play ti Video

Iti seksion a Video on Demand, aramidem dagitoy tapno makontrolmo ti pannakai-play dagiti video:

  • Computer: Tapno mabuyam ti video iti full-screen, ibatogmo ti cursor iti video sa i-click-mo ti Full-Screen icon.

    Tablet wenno smartphone: Tapno mabuyam ti video iti full-screen, i-tap-mo ti video sa talmegam ti Full-Screen icon.

  • Computer: No saanmon a kayat ti agbuya iti full-screen, talmegam ti Escape iti keyboard, wenno ibatogmo ti cursor iti video sa i-click-mo ti Regular-Mode icon.

    iOS: No saanmon a kayat ti agbuya iti full-screen, i-tap-mo ti video sa talmegam ti Regular-Mode icon.

    Android: No saanmon a kayat ti agbuya iti full-screen, i-tap-mo ti video sa talmegam ti Regular-Mode icon. Iti dadduma nga immun-una nga Android device, mabuya laeng dagiti video iti full-screen.

    Windows Mobile: No saanmon a kayat ti agbuya iti full-screen, talmegam ti Back button iti device-mo.

  • I-click-mo wenno talmegam ti Pause tapno agsardeng ti video.

  • I-click-mo wenno talmegam ti Play tapno maituloymo ti agbuya.

  • Tapno mayakarmo ti paset ti video a buybuyaem, i-click-mo wenno talmegam nga agpakannawan wenno agpakannigid ti location indicator.

  • Computer: Tapno mabaliwam ti resolution ti video a buybuyaem, ibatogmo ti cursor iti video, sa ibatogmo iti Video Settings icon, ket piliem ti resolution a kayatmo. (Palagip: Awan ti kastoy a feature iti dadduma a browser.)

    Palagip: No nangatngato ti resolution, napimpintas ti kalidad ti video, ngem agkasapulan dayta iti naparpartak a koneksion ti internet. Piliem ti resolution a maibagay iti kapartak ti internet-mo ken iti kadakkel ti iskrinmo. (Para iti ad-adu pay a detalye, kitaem ti No Kasano a Baliwan ti Settings ti TV.JW.ORG iti Computer, Tablet, Wenno Smartphone-mo.)

    Tablet wenno smartphone: Tapno mabaliwam ti resolution ti video, i-tap-mo ti video, talmegam ti Video Settings, sa piliem ti kayatmo a resolution. (Palagip: Saan a mabalin daytoy iti dadduma a mobile video player.)

  • Computer: Tapno mabaliwam ti volume, ibatogmo ti cursor iti video, sa ibatogmo iti Volume icon. I-click-mo nga agpangato wenno agpababa ti volume indicator tapno mapapigsam wenno mapakapsutmo ti volume.

    Tablet wenno smartphone: Tapno mabaliwam ti volume, usarem ti audio button iti mobile device-mo.