Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

JW BROADCASTING

No Kasano a Baliwan ti Settings ti TV.JW.ORG iti Computer, Tablet, Wenno Smartphone-mo

No Kasano a Baliwan ti Settings ti TV.JW.ORG iti Computer, Tablet, Wenno Smartphone-mo

Iti Settings screen, mabalinmo a balbaliwan ti settings ti tv.jw.org.

I-click-mo wenno talmegam ti Settings icon. Surotem dagiti instruksion iti baba tapno mabaliwam ti settings ti tv.jw.org:

Palagip: Dagitoy a settings ket agaplikar laeng iti internet browser wenno mobile device a nangbalbaliwam iti dayta. No i-clear-mo ti cache ti internet browser-mo, mabalin nga agsubli ti settings iti default.

 Piliem ti Kayatmo a Resolution ti Video

  • I-click-mo wenno talmegam ti button ti kayatmo a resolution ti video.

  • I-click-mo wenno talmegam ti Save tapno mai-save ti settings a kayatmo.

Ania ti kayat a sawen dagitoy a numero? Dagiti numero iti daytoy a listaan ket tumukoy iti kadakkel ti video, a mangipakita iti resolution wenno kalidad ti video. No nangatngato ti numero, napimpintas met ti resolution ti video, ket agkasapulan dayta iti naparpartak a koneksion ti internet.

Makita iti baba ti deskripsion dagiti resolution ti video:

Resolution

Deskripsion

240p

Kababaan a kalidad. Maibagay kadagiti mobile device a bassit ti iskrinna.

360p

Nababa a kalidad. Maibagay kadagiti mobile device a bassit ti iskrinna.

480p

Standard definition. Maibagay kadagiti tablet, computer, ken TV nga standard definition ti iskrinna.

720p

High definition (HD). Maibagay kadagiti computer a saan a nababbaba ngem 1024x768 ti resolution ti iskrinna, wenno kadagiti HDTV a 1280x720 ti resolution-na.

1080p

Kangatuan a kalidad (HD). Maibagay kadagiti computer a saan a nababbaba ngem 1080 pixel ti vertical resolution-na, wenno kadagiti HDTV a 1920x1080 ti resolution-na.

Apay a masapul a baliwam ti resolution ti video? No nabuntog ti koneksion ti internet-mo, ken masansan nga agsardesardeng ti pannakai-play ti video, nasaysayaat no nababbaba a resolution ti video ti piliem. Usarem ti kangatuan a resolution a maibagay iti computer wenno device-mo. Mabalinmo met a pilien ti nababbaba a setting no kayatmo a basbassit ti bayadam para iti internet data.

Ania ti usar daytoy a setting? Saan nga i-play ti TV.JW.ORG dagiti video iti computer wenno device-mo iti resolution a nangatngato ngem iti pinilim. (Kitaem ti Agbuya iti Streaming iti tv.jw.org.)

No piliem ti Automatic setting, i-play ti tv.jw.org dagiti video iti kasayaatan a resolution a maibagay iti kadakkel ti iskrin ti computer wenno device-mo.

 I-enable Wenno I-disable Dagiti Subtitle ti Video

Ti dadduma a video ket mabalin nga i-play nga addaan iti subtitle. Ti lengguahe ti subtitle ket kapada ti lengguahe ti video.

  • No kayatmo nga agparang ti subtitle, itsekmo ti kahon a Display Subtitles When Available.

  • No saanmon a kayat a makita ti subtitle, ikkatem ti tsek ti kahon.

  • I-click-mo wenno talmegam ti Save tapno mai-save ti settings a kayatmo.

Palagip: Agaplikar daytoy a setting iti amin a video nga adda subtitle-na, buyaem man iti seksion nga Streaming wenno iti Video on Demand.

 Piliem ti Kayatmo nga Streaming Channel

Automatiko a lagipen ti system ti kaudian nga streaming channel a linuktam ket dayta met laeng a channel ti agparang no luktam manen ti Streaming.

Ngem mabalin nga adda channel a kayatmo nga agparang kada aglukatka iti Streaming iti maysa a device. Kas pagarigan, no maysaka a nagannak, mabalin a kayatmo nga agparang a dagus ti channel a Children iti tablet nga us-usaren dagiti babassit nga annakmo.

  • No kayatmo nga agparang ti maymaysa a channel kada aglukatka iti Streaming, mapanka iti Settings sa piliem ti channel.

  • Tapno makasublika iti default a setting, piliem ti Start with my last selected channel.

  • I-click-mo wenno talmegam ti Save tapno mai-save ti settings a kayatmo.