Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

JW BROADCASTING

Agbuya iti Video on Demand iti Roku

Agbuya iti Video on Demand iti Roku

Iti seksion a Video on Demand, mabalinmo a kontrolen ti pannakai-play dagiti video iti JW Broadcasting. Mabalinmo nga i-pause, i-rewind, i-fast forward, ken i-skip dagiti video. Agbuyaka iti maysa a video wenno buyaem ti amin a video iti maysa a koleksion.

(Palagip: Naipakita iti daytoy a tutorial ti ladawan ti remote a Roku 3. Mabalin a naiduma bassit ti remote-mo.)

Luktam ti Video on Demand iti home page ti JW Broadcasting tapno makitam dagiti kategoria ti video. Tapno makabirok ken makabuyaka kadagiti video, surotem dagiti instruksion iti baba:

 Agbirok iti Video

Usarem ti Left ken Right arrow iti Roku remote-mo nga agpili iti kategoria ti video. Bayat nga agpilpilika, agparang ti ladawan, paulo, ken ababa a deskripsion dagiti kategoria iti tengnga ti iskrin. Talmegam ti OK button tapno maluktam ti kategoria a kayatmo.

Dadduma a video ti makita iti nagduduma a kategoria. Kas pagarigan, ti video a The Prodigal Returns ket mabalin a makita iti Movies, Family, ken Teenagers.

Tunggal grupo dagiti video iti category page ket maibilang kas maysa a koleksion dagiti video. Bayat nga agpilpilika iti video babaen iti panangusarmo kadagiti arrow ti Roku remote-mo, adda Details Bubble nga agparang a mangipakita iti paulo ken kapaut dagiti video.

  • Up ken Down arrow: Mapan iti sabali a koleksion. Makita ti paulo ti koleksion iti ngato dagiti agkakagrupo a video.

  • Left ken Right arrow: Agpili kadagiti video iti maysa a koleksion.

    Tip: Makita iti makinngato a kannawan ti iskrin ti bilang dagiti video iti dayta a koleksion ken no ania a video ti madama a kitkitaem.

Talmegam ti OK tapno maluktam ti video ken makitam dagiti detalye ti video. Piliem kadagitoy ti kayatmo nga aramiden:

  • Play: I-play ti video manipud iti rugi.

  • Play With Subtitles: Agparang laeng daytoy nga opsion no adda subtitle ti video a linuktam. No piliem daytoy, ag-play ti video nga agparang dagiti subtitle-na, ken agparang met dagiti subtitle (no adda) ti amin a video iti seksion nga Streaming ken Video on Demand. No kayatmo a saanen nga agparang dagiti subtitle, piliem ti Play Without Subtitles.

  • Play All in This Collection: Ag-play ti amin a video iti koleksion, a mangrugi iti linuktam a video.

    Palagip: No nalpasen a nai-play ti amin a video iti koleksion, agsardengen ti pannakai-play dagiti video.

 Kontrolen ti Pannakai-play ti Video

No agple-play ti maysa a video iti seksion a Video on Demand, mabalinmo a kontrolen ti pannakai-play-na iti Roku remote-mo ket maaramidmo dagitoy:

  • Pause: I-pause ti video. Talmegam manen ti button tapno ag-play ti video.

  • Fast Forward: I-fast forward ti video. No makadanonkan iti paset ti video a kayatmo a buyaen, talmegam ti Play button.

    Tip: Mabalinmo a mamin-adu a talmegan ti Fast Forward button tapno naparpartak ti panag-fast forward ti video.

  • Rewind: I-rewind ti video. No makadanonkan iti paset ti video a kayatmo a buyaen, talmegam ti Play button.

    Tip: Mabalinmo a mamin-adu a talmegan ti Rewind button tapno naparpartak ti panag-rewind ti video.

  • Right Arrow: I-forward ti video iti 10 a segundo. No makadanonkan iti paset ti video a kayatmo a buyaen, talmegam ti Play button.

  • Left Arrow: I-rewind ti video iti 10 a segundo. No makadanonkan iti paset ti video a kayatmo a buyaen, talmegam ti Play button.

  • Down Arrow: Agparang ti impormasion maipapan iti video iti sumagmamano a segundo. Talmegam manen ti button tapno agpukaw ti impormasion.

  • Up Arrow wenno Back: Agsubli iti pakakitaan iti detalye ti video.

 Agbuya iti Kabaruan Wenno Naitampok a Video

Iti home page ti JW Broadcasting, adda dua nga espesial a koleksion ti Video on Demand:

  1. Featured: Naglaon daytoy kadagiti naitampok a video, kas kadagiti video a nainaig iti linawas a gimong wenno iti panagdaydayaw ti pamilia.

  2. Latest: Naglaon daytoy iti innem a kabaruan a nainayon a video.

Surotem dagitoy nga instruksion tapno makapilika iti video kadagitoy a koleksion:

  • Piliem ti koleksion babaen ti panangusarmo iti Up wenno Down arrow.

  • Talmegam ti OK button tapno makitam dagiti video iti napilim a koleksion.

  • Usarem ti Up wenno Down arrow tapno makapilika iti video a kayatmo a luktan.

  • Talmegam ti OK tapno maluktam ti video ken makitam dagiti detalyena.

    Palagip: Piliem ti Play All in This Collection iti daytoy nga iskrin tapno mai-play-mo ti amin a video iti maysa kadagitoy nga espesial a koleksion.