Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

JW BROADCASTING

Agbuya iti Streaming iti Roku

Agbuya iti Streaming iti Roku

Ti seksion nga Streaming iti JW Broadcasting ket kas iti TV nga addaan kadagiti channel a naglaon kadagiti naiprograma a pabuya. No kayatmo a kontrolen ti pannakai-play ti video (kas pagarigan, agbuyaka iti video manipud iti rugi, ken i-pause, i-rewind, wenno i-fast forward-mo), mapanka iti seksion a Video on Demand.

(Palagip: Naipakita iti daytoy a tutorial ti ladawan ti remote a Roku 3. Mabalin a naiduma bassit ti remote-mo.)

Tapno nasaysayaat ti panangusarmo iti streaming ti JW Broadcasting iti Roku, surotem dagitoy nga instruksion:

 Agbuya iti Streaming Channel

Piliem ti Streaming iti home page ti JW Broadcasting tapno makitam dagiti channel.

Usarem ti Left ken Right arrow iti Roku remote-mo nga agpili iti channel. Bayat nga agpilpilika, agparang ti ladawan, paulo, ken ababa a deskripsion dagiti channel iti tengnga ti iskrin. Talmegam ti OK button tapno maluktam ti channel a kayatmo.

Bayat nga agluklukat ti video, agparang iti channel menu ti nagan ti channel ken ti paulo ti agluklukat a video ken ti sumaruno a tallo a video.

Tip: No naglukaten ti video ket kayatmo nga iserra ti channel menu, talmegam ti Left arrow iti Roku remote-mo.

 Agpili iti Sabali a Channel

No agbuybuyaka iti maysa nga streaming channel, adda dua a pamay-an tapno makapanka iti sabali a channel:

  • Agsublika iti iskrin a pagpilian iti channel

    Talmegam ti Left arrow wenno Back button tapno makasublika iti iskrin a pagpilian iti channel. Usarem ti Left ken Right arrow tapno makitam ti nagduduma a channel. Talmegam ti OK button tapno maluktam ti channel a kayatmo.

  • Mapanka iti sabali a channel

    Bayat nga agbuybuyaka iti maysa nga streaming channel, talmegam ti Up wenno Down arrow tapno makapanka iti immuna wenno sumaruno a channel. Bayat nga agluklukat ti video, agparang iti channel menu ti nagan ti channel ken ti paulo ti video. Talmegam ti Up wenno Down arrow tapno makapanka iti sabali a channel wenno urayem nga aglukat ti video.

 Agusar iti Channel Menu

Bayat nga agbuybuyaka iti maysa nga streaming channel, talmegam ti Right arrow tapno maluktam ti channel menu.

Iti channel menu, agparang ti nagan ti channel ken ti paulo ti agple-play a video ken dagiti sumaruno a video. Mabalinmo met a pilien ti Play From Beginning ken Play With Subtitles. Usarem ti Up wenno Down arrow tapno makapilika iti opsion. Talmegam ti OK button tapno mapilim.

  • Play From Beginning: Piliem daytoy nga opsion tapno mabuyam ti video iti seksion a Video on Demand. Iti dayta a seksion, mabalinmo nga i-play ti video manipud iti rugi, i-pause, i-rewind, ken i-fast forward.

  • Play With Subtitles: Piliem daytoy nga opsion tapno mai-play nga adda subtitle-na ti video a buybuyaem, ken tapno agparang dagiti subtitle (no adda) iti amin a video iti seksion nga Streaming wenno Video on Demand. No kayatmo a saanen nga agparang dagiti subtitle, luktam manen daytoy a menu sa piliem ti Play Without Subtitles. (Palagip: Agparang laeng daytoy nga opsion no adda subtitle ti agple-play a video.)

Tapno maiserram ti channel menu, talmegam ti Left arrow, Right arrow, wenno Back button.