Mapan iti linaonna

Dagiti Saksi ni Jehova

Agpili iti lengguahe Iloko

Apay a Saan nga Agus-usar Dagiti Saksi ni Jehova iti Krus iti Panagdaydayawda?

Apay a Saan nga Agus-usar Dagiti Saksi ni Jehova iti Krus iti Panagdaydayawda?

Para iti adu, ti krus ti gagangay a simbolo ti Kristianidad. Nupay Kristiano dagiti Saksi ni Jehova, saankami nga agus-usar iti krus iti panagdaydayawmi. Apay?

Ti maysa a rason ket kuna ti Biblia a saan a natay ni Jesus iti maysa a krus no di ket iti maysa nga estaka wenno poste. Siiinget a pakdaaran met ti Biblia dagiti Kristiano a ‘pagtalawanda ti idolatria,’ a kaipapananna ti di panagusar iti krus iti panagdaydayaw.1 Corinto 10:14; 1 Juan 5:21.

Naglawag ti kinuna ni Jesus: “Babaen iti daytoy maammuanto ti isuamin a dakayo dagiti adalak, no addaankayo iti ayat iti maysa ken maysa.” (Juan 13:34, 35) Impakita ngarud ni Jesus a ti managsakripisio nga ayat—saan a ti krus wenno aniaman nga imahen—ti pakailasinan dagiti pudno a pasurotna.