Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Patien Kadi Dagiti Saksi ni Jehova ti Daan a Tulag?

Patien Kadi Dagiti Saksi ni Jehova ti Daan a Tulag?

Wen. Patien dagiti Saksi ni Jehova a ti intero a Biblia ket “impaltiing ti Dios ken makagunggona.” (2 Timoteo 3:16) Karaman iti dayta ti Daan a Tulag ken ti Baro a Tulag, kas gagangay a mayaw-awag kadagita. Kadakami a Saksi ni Jehova, aw-awaganmi dagita a paset ti Biblia kas ti Hebreo a Kasuratan ken ti Kristiano a Griego a Kasuratan. Iti kasta, saankami a makaipaay iti impresion a ti dadduma a paset ti Biblia ket kadaananen ken saanen nga agaplikar ita.

Apay nga agpada a kasapulan dagiti Kristiano ti Daan a Tulag ken Baro a Tulag?

Babaen ti panangiwanwan ti Dios, insurat ti Kristiano a ni apostol Pablo: “Ti amin a bambanag a naisurat a nasaksakbay naisuratda a pakasursuruantayo.” (Roma 15:4) Gapuna, makagunggona ti impormasion a linaon ti Hebreo a Kasuratan. Karaman iti dayta dagiti historikal a salaysay ken praktikal a balakad.

  • Historikal a salaysay. Ti Hebreo a Kasuratan ket naglaon iti detalyado a rekord maipapan iti panamarsua ken no kasano a simrek ti basol iti sangatauan. No awan dagita nga impormasion, saantayo a makasarak iti makapnek a sungbat kadagiti saludsod a kas iti: Nagtaudantayo? Apay a matay ti tao? (Genesis 2:7, 17) Maysa pay, nairekord iti Hebreo a Kasuratan no kasano ti pannakilangen ni Jehova kadagiti tattao a nakapasar iti rag-o ken karit a kas kadatayo.—Santiago 5:17.

  • Praktikal a balakad. Ti Proverbio ken Eclesiastes, a libro iti Biblia ken paset ti Hebreo a Kasuratan, ket naglaon iti sirib nga agaplikar iti biagtayo agingga ita. Mangipaay dagitoy iti balakad no kasano nga agbalin a naragsak ti biag ti pamilia (Proverbio 15:17), no kasano a maaddaan iti balanse a panangmatmat iti trabaho (Proverbio 10:4; Eclesiastes 4:6), ken no kasano nga usaren dagiti agtutubo ti biagda tapno agbalinda a naragsak (Eclesiastes 11:9–12:1).

Malaksid iti dayta, magunggonaantayo met no adalentayo ti Mosaiko a Linteg a nairekord iti Torah (ti umuna a lima a libro ti Biblia). Nupay ti Linteg ket saanen a maipapaannurot kadagiti Kristiano, dagiti prinsipio a linaonna ket makatulong kadatayo a maaddaan iti naragsak a biag.—Levitico 19:18; Deuteronomio 6:5-7.

 

Ammuem ti Ad-adu Pay

Ania Dagiti Tulbek iti Panangtarus iti Biblia?

Aniaman ti kasasaadmo iti biag, posible a matarusam ti mensahe ti Dios a nailanad iti Nasantuan a Kasuratan.