Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Mano ti Saksi ni Jehova iti Intero a Lubong?

Mano ti Saksi ni Jehova iti Intero a Lubong?

Report iti 2015 a Tawen Serbisio *

Bilang dagiti Saksi ni Jehova iti intero a lubong

8,220,105

Kongregasion

118,016

Dagdaga a pangaskasabaan dagiti Saksi ni Jehova

240

Kasano ti panangbilangyo iti miembroyo?

Dagiti laeng aktibo a mangikaskasaba iti naimbag a damag maipapan iti Pagarian ti Dios iti kada bulan ti mairaman iti bilangmi a Saksi ni Jehova. (Mateo 24:14) Karaman ditoy dagiti bautisado a Saksi ken uray dagiti saan pay a bautisado ngem kualipikado a makiraman iti trabaho a panangasaba.

Masapul kadi nga agdonar ti maysa tapno agbalin a miembro?

Saan. Awan pakainaigan ti donasion no ti maysa ket maibilang kas Saksi wenno no isu ket addaan iti espesipiko nga annongen wenno pribilehio iti organisasionmi. (Aramid 8:18-20) Kinapudnona, kaaduan a donasion ket saan a nainaganan ti naggapuanna. Idondonar ti tunggal Saksi ti tiempo, pigsa, ken sanikuana para iti sangalubongan a trabahomi sigun iti kayat ken kasasaadna.—2 Corinto 9:7.

Kasanoyo nga ammo no mano ti aktibo a mangaskasaba?

It-ited dagiti Saksi iti lokal a kongregasionda ti reportda mainaig iti magapgapuananda iti panangasaba iti kada bulan. Boluntario dayta a panagreport.

Mapagtitipon dagiti report iti kongregasion, sa maipatulod ti pakadagupan dayta iti lokal a sanga nga opisina. Ti met sanga nga opisina ti mangipatulod iti sangalubongan a hedkuartermi ti pakadagupan ti tunggal pagilian wenno teritoria.

Iti ngudo ti tunggal tawen serbisio, * maammuan ti kangatuan a bilang dagiti Saksi iti tunggal daga bayat dayta a tawen. Mapagtitipon dagitoy a bilang tapno maammuan no mano ti Saksi iti intero a lubong. Dagiti detalyado a report ti tunggal pagilian, a pakairamanan dagiti kapadasan iti panangasaba, ket maikabil iti Tinawen a Libro Dagiti Saksi ni Jehova. Maparparegtakami kadagitoy a report, a kas met laeng kadagiti report a nangparegta kadagiti nagkauna a Kristiano.—Aramid 2:41; 4:4; 15:3.

Iramramanyo kadi iti bilang ti miembroyo dagiti makikadkadua iti organisasionyo a saan a mangaskasaba?

Nupay saanmi nga iramraman dagitoy iti bilang dagiti Saksi, abrasaenmi ida kadagiti kongregasionmi. Kaaduan kadakuada ti umat-atender iti tinawen a Pananglaglagip iti ipapatay ni Kristo. Mapattapatta ti bilang dagitoy babaen ti panangikissay ti bilang dagiti Saksi iti bilang dagiti timmabuno iti daytoy nga okasion. Idi 2015, ti bilang ti immatender iti Memorial ket 19,862,783.

Adu kadagiti saan nga umat-atender kadagiti gimong ti mabembenepisiaran iti programa a libre a panagadal iti Biblia kadagiti pagtaengan. Bayat ti 2015, nakaikonduktakami iti promedio a 9,708,968 a panangyadal iti Biblia iti kada bulan, a dadduma kadagitoy ket sumagmamano nga indibidual nga aggigiddan a mayadalan.

Apay a nangatngato ti bilang ti sensus ti gobierno a kaadu ti Saksi ngem iti ibagbagayo a bilangyo?

Dagiti ahensia ti gobierno nga agsensus ket masansan nga ammuenda ti bilang babaen ti panangdamagda kadagiti tattao no ania a grupo ti relihion ti nakaikamenganda. Kas pagarigan, kuna ti U.S. Census Bureau a ti surbeyda ket “naisayangkat tapno maammuan no dagiti napagsaludsodan ket ibilangda ti bagbagida a miembro ti maysa a relihion,” sa innayonna a ti resulta a bilang ket “agdepende iti personal nga opinion, saan ket nga iti pudno nga impormasion.” Iti kasupadina, dagiti laeng mangaskasaba ken mangireport iti magapgapuananda iti dayta nga aktibidad ti ibilangmi a Saksi ni Jehova, saan a dagidiay mangibagbaga laeng a Saksida.

^ par. 2 Ti maysa a tawen serbisio ket manipud Septiembre 1 agingga iti Agosto 31 ti sumaruno a tawen iti kalendario. Kas pagarigan, ti 2015 a tawen serbisio ket manipud Septiembre 1, 2014 agingga iti Agosto 31, 2015.

^ par. 16 Ti maysa a tawen serbisio ket manipud Septiembre 1 agingga iti Agosto 31 ti sumaruno a tawen iti kalendario. Kas pagarigan, ti 2015 a tawen serbisio ket manipud Septiembre 1, 2014 agingga iti Agosto 31, 2015.

Ammuem ti Ad-adu Pay

Ania ti Patpatien Dagiti Saksi ni Jehova?

Ammuem ti ababa nga impormasion maipapan iti 15 a kangrunaan a patpatienmi.

Kasano ti Pannakaorganisar ti Trabaho a Panangasaba Dagiti Saksi ni Jehova?

Sursurotenmi ti padron nga impasdek ni Jesus idi adda ditoy daga. Ania ti sumagmamano kadagitoy a pamay-an ti panangasaba?

Kasano ti Pannakaorganisar Dagiti Kongregasion Dagiti Saksi ni Jehova?

Ammuem no kasano nga umaw-awatkami iti pannarabay ken instruksion babaen iti daytoy nga urnos.