Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Maysa Aya a Kulto Dagiti Saksi ni Jehova?

Maysa Aya a Kulto Dagiti Saksi ni Jehova?

Saan, dagiti Saksi ni Jehova ket saan a maysa a kulto. Kristianokami a mangikagkagumaan a mangtulad iti inyulidan ni Jesu-Kristo ken mangyap-aplikar kadagiti insurona.

Ania ti maysa a kulto?

Agsasabali ti kaipapanan ti termino a “kulto” iti nadumaduma a tattao. Ngem usigem ti dua a gagangay a pagarup maipapan kadagiti kulto ken no apay a dagita ket saan nga agaplikar kadakami.

  • Para iti dadduma, ti kulto ket maysa a baro wenno karkarna a relihion. Saan a nangimbento dagiti Saksi ni Jehova iti baro a relihion. Imbes ketdi, tultuladenmi ti panagdaydayaw dagiti Kristiano idi umuna a siglo, a ti ulidan ken pannursuroda ket nailanad iti Biblia. (2 Timoteo 3:16, 17) Patienmi a ti Nasantuan a Kasuratan ti rumbeng a masurot no ania dagiti maakseptar kadagiti bambanag a nainaig iti panagdaydayaw.

  • Para iti dadduma, ti kulto ket maysa a napeggad a narelihiosuan a sekta nga addaan iti panguluen a tao. Awan ti asinoman a tao a panguluen dagiti Saksi ni Jehova. Sursurotenmi ti pagannurotan nga impasdek ni Jesus kadagiti pasurotna idi kinunana: “Ti Panguluenyo ket maymaysa, ni Kristo.”Mateo 23:10.

Dagiti Saksi ni Jehova ket saan a maysa a napeggad a kulto. Imbes ketdi, an-annurotenda ti maysa a relihion a makagunggona kadagiti miembrona ken iti dadduma pay iti komunidad. Kas pagarigan, gapu iti panangasabami, adun ti natulonganmi a mangisardeng kadagiti makadangran a bisioda, kas iti panagdroga ken panagbartek. Iti intero a lubong, mangang-angaykami met kadagiti klase a mangisuro iti panagbasa ken panagsurat isu a rinibun ti nakasursuro nga agbasa ken agsurat. Aktibokami met a mangsarsaranay kadagiti biktima ti didigra. Ar-aramidenmi ti amin a kabaelanmi tapno maaddaankami iti nasayaat nga impluensia iti padami a tattao, kas imbilin ni Jesus kadagiti pasurotna.Mateo 5:13-16.

 

Ammuem ti Ad-adu Pay

Kasanom a Mailasin ti Pudno a Relihion?

Maymaysa kadi ti pudno a relihion? Ammuem ti lima a pakabigbigan ti pudno a relihion.