Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Mangmangted Kadi Dagiti Saksi ni Jehova iti Apagkapullo?

Mangmangted Kadi Dagiti Saksi ni Jehova iti Apagkapullo?

Saan, saan a mangmangted dagiti Saksi ni Jehova iti apagkapullo. Ti trabahomi ket masupsuportaran babaen kadagiti boluntario a donasion a di nainaganan ti naggapuanna. Ania ti apagkapullo, ken apay a saan a mangmangted iti kasta dagiti Saksi ni Jehova?

Ti bilin a mangted iti apagkapullo, wenno 10% iti sanikua ti maysa, ket karaman iti Linteg a naited iti nagkauna a nasion ti Israel. Ngem nalawag nga ibaga ti Biblia a dayta a Linteg—agraman ti “bilin nga agawatda kadagiti apagkapullo”—ket saan nga agaplikar kadagiti Kristiano.Hebreo 7:5, 18; Colosas 2:13, 14.

Imbes a mangted dagiti Saksi ni Jehova iti inkapilitan nga apagkapullo ken sagut, tultuladenda dagiti nagkauna a Kristiano ken supsuportaranda ti ministerioda iti dua a pamay-an: babaen ti panangasaba ken panangisuroda nga awan sueldoda ken babaen ti boluntario a panagdonarda.

Gapu iti dayta, sursurotenmi ti bilin ti Biblia kadagiti Kristiano: “Tunggal maysa aramidenna koma kas iti inkeddengna iti pusona, saan nga iti nadagsen a rikna wenno mapilpilit, ta ti Dios ayatenna ti naragsak a manangited.”2 Corinto 9:7.

 

Ammuem ti Ad-adu Pay

Pagtataudan ti Pondo Para iti Trabaho Dagiti Saksi ni Jehova?

Ammuem no kasano nga agtultuloy a rumangrang-ay ti trabaho a panangasaba iti intero a lubong uray no awan ti maar-aramid a panagkolekta wenno panagsingir iti apagkapullo.