Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Kasanoak nga Agbalin a Maysa a Saksi ni Jehova?

Kasanoak nga Agbalin a Maysa a Saksi ni Jehova?

Dagiti masapul nga aramiden ti maysa a tao tapno agbalin a Saksi ni Jehova ket inlawlawag ni Jesus iti Mateo 28:19, 20. Maammuantayo iti sasaona no ania ti masapul nga aramiden ti maysa a tao tapno agbalin a pasurot ni Kristo, a pakairamanan ti panangisarita, wenno panangsaksi, maipapan ken Jehova.

Umuna: Adalem no ania ti isursuro ti Biblia. Binilin ni Jesus dagiti pasurotna a ‘mangaramidda iti ad-adalan ken isuroda’ ida. (Mateo 28:19, 20) Ti sao a naipatarus nga “adalan” ket literal a kaipapananna ti “maysa nga agsursuro.” Ti Biblia, aglalo dagiti insuro ni Jesu-Kristo a linaonna, ket mangted kadagiti impormasion a kasapulam tapno agbalin a naragsak ken makapnek ti biagmo. (2 Timoteo 3:16, 17) Maragsakankami a tumulong kenka a mangammo iti isursuro ti Biblia babaen iti libre a programami a panagadal iti Biblia.—Mateo 10:7, 8; 1 Tesalonica 2:13.

Maikadua: Aramidem no ania ti nasursurom. Imbaga ni Jesus a dagidiay agsursuro ket masapul a ‘tungpalenda ti amin nga imbilinna kadakuada.’ (Mateo 28:20) Kayatna a sawen, saan la a basta nayonam ti ammom no agadalka iti Biblia. Mabalin a kasapulan a mangaramidka met iti dakkel a panagbalbaliw iti panagpampanunot ken ugalim. (Aramid 10:42; Efeso 4:22-29; Hebreo 10:24, 25) Kalpasanna, dagiti mangar-aramid iti bilin ni Jesus ket matignay nga agdesision a mangsurot iti inaramid ni Jesus, ken mangikari a ni laeng Jehova a Dios ti pagserbianda.—Mateo 16:24.

Maikatlo: Agpabautisarka. (Mateo 28:19) Iti Biblia, ti panagpabautisar ket kasla pannakaipumpon. (Ikomparam iti Roma 6:2-4.) Isimbolona ngamin ti ipapatay ti napalabas a panagbiag ken ti panangrugi manen ti baro a biag. Ti panagpabautisarmo ket pamay-an a maipakaammom iti adu a tattao a naaramidmon ti umuna ken ti maikadua a masapul nga aramidem nga imbaga ni Jesus, ken pamay-an a maipakitam kadakuada nga idawdawatmo iti Dios a maaddaanka iti nadalus a konsiensia.—Hebreo 9:14; 1 Pedro 3:21.

Kasanok a maammuan no mabalinakon a mabautisaran?

Kasaritam dagiti panglakayen, wenno mangidadaulo, iti kongregasion. Katungtongdakanto tapno masiguradoda a naawatam no ania ti karaman iti panagpabautisar, no ar-aramidem dagiti nasursurom, ken no naimpusuan a nagkarikan iti Dios nga isu laeng ti pagserbiam.—Aramid 20:28; 1 Pedro 5:1-3.

Kasta kadi met laeng ti masapul nga aramiden dagiti annak ti Saksi?

Wen. Padpadakkelenmi dagiti annakmi “iti disiplina ken panangiturong-panunot ni Jehova,” kas imbilin ti Biblia. (Efeso 6:4) Ngem inton dumakkeldan, masapul nga isuda a mismo ti agdesision no kayatda nga adalen, awaten, ken aramiden ti isursuro ti Biblia sakbay a mapalubosanda nga agpabautisar. (Roma 12:2) Ngamin, masapul a ti maysa nga indibidual ti mismo nga agdesision no ania ti pilienna a relihion.—Roma 14:12; Galacia 6:5.

Ammuem ti Ad-adu Pay

Kasanom a Mailasin ti Pudno a Relihion?

Maymaysa kadi ti pudno a relihion? Ammuem ti lima a pakabigbigan ti pudno a relihion.

Patien Kadi Dagiti Saksi ni Jehova nga Isuda Laeng ti Pudno a Relihion?

Imbaga kadi ni Jesus nga adu ti dalan nga agturong iti pannakaisalakan?