Mapan iti linaonna

Mapan iti segundario a pagpilian

Dagiti Saksi ni Jehova

Iloko

Apay a Binalbaliwan Dagiti Saksi ni Jehova ti Dadduma a Patpatienda?

Apay a Binalbaliwan Dagiti Saksi ni Jehova ti Dadduma a Patpatienda?

Kanayon nga us-usarenmi ti Biblia a pagibatayan iti patpatienmi, isu a balbaliwanmi dagiti patpatienmi bayat a lumawlawag ti pannakaawatmi iti Biblia. *

Dagita a panagbalbaliw ket maitunos iti prinsipio ti Biblia a mabasa iti Proverbio 4:18: “Ti dana dagidiay nalinteg ket kas iti naraniag a lawag a lumawlawag a lumawlawag agingga nga immaldaw unayen.” No kasano a ti sumingsingising nga init in-inut a lawaganna ti aglawlaw, in-inut met a mangipapaay ti Dios iti pannakaawat kadagiti kinapudno iti Biblia iti pinilina a tiempo. (1 Pedro 1:10-12) Kas iti impakpakauna ti Biblia, pinapartak daytoy ti Dios kabayatan ti “tiempo ti panungpalan.”Daniel 12:4.

Saan koma a pakasdaawan wenno pakariribukan dagitoy a panagbalbaliw iti pannakaawatmi. Naaddaan met idi dagiti nagkauna nga agdaydayaw iti Dios kadagiti kamali nga ideya ken in-inanamaen isu a masapul a balbaliwanda ti kapanunotanda.

  • Nagpresenta ni Moises a mangisalakan iti nasion ti Israel 40 a tawen a nasaksakbay ngem iti tiempo nga inkeddeng ti Dios.Aramid 7:23-25, 30, 35.

  • Saan a naawatan dagiti apostol ti padto maipapan iti ipapatay ken pannakapagungar ti Mesias.Isaias 53:8-12; Mateo 16:21-23.

  • Kamali ti pampanunoten ti dadduma a nagkauna a Kristiano maipapan iti tiempo nga idadateng “ti aldaw ni Jehova.”2 Tesalonica 2:1, 2.

Idi agangay, inlinteg ti Dios dagiti kamali a pannakaawatda. Ikarkararagmi nga itultuloyna nga aramiden dayta kadakami.Santiago 1:5.

^ par. 2 Saanmi nga ilemlemmeng dagitoy a panagbalbaliw iti pannakaawatmi iti Biblia. Kinapudnona, irekord ken ipablaakmi dagita. Kas pagarigan, iti Watchtower ONLINE A LIBRARIA, i-type-mo iti search box ti “Pannakalawlawag Dagiti Patpatientayo.”

Ammuem ti Ad-adu Pay

TI PAGWANAWANAN —PAGADALAN NGA EDISION

“Pagdiligentayo Dagiti Kasuratan”

No basbasaentayo ti Biblia, kasano a makatulong kadatayo ti konteksto tapno matarusantayo ti kaipapananna?

SUNGBAT DAGITI SALUDSOD MAIPAPAN ITI BIBLIA

Ania Dagiti Tulbek iti Panangtarus iti Biblia?

Aniaman ti kasasaadmo iti biag, posible a matarusam ti mensahe ti Dios a nailanad iti Nasantuan a Kasuratan.